ვინ უკვეთს რეკლამას პროსახელისუფლებო და ოპოზიციურ ტელევიზიებს - კომპანიები და მფლობელები

მესამე კვარტალში - ივლისში, აგვისტოსა და სექტემბერში - ტელევიზიებმა კომერციული სარეკლამო შემოსავლებიდან, ჯამში, 29,3 მილიონი ლარი მიიღეს.

კომუნიკაციების კომისია აქვეყნებს იმ ექვსი ტელევიზიის უმსხვილეს დამკვეთებს, რომლებმაც ყველაზე მეტი შემოსავალი მიიღეს რეკლამებიდან.

ექვსეულში პირველ ოთხ ადგილს იკავებენ პროსახელისუფლებო ტელევიზიები: „იმედი“, „რუსთავი 2“, „პოსტვი“ და „ჯიდიესი“; მეხუთე-მეექვსე ადგილებზე კი ოპოზიციური „ტვ პირველი“ და „ფორმულა“ არიან.

ComCom-ის დღეს გამოქვეყნებულ სტატისტიკაში არ ჩანს სარეკლამო შემოსავლების ზუსტი ოდენობა, მხოლოდ თანხების შუალედია მითითებული - ოთხ კატეგორიად:

• 500 000 ლარზე მეტი;
• 100 000-დან 500 000 ლარამდე;
• 50 000-დან 100 000 ლარამდე;
• 7 000-დან 50 000 ლარამდე.

რაც შეეხება თითოეულ ტელევიზიას, სურათი ასეთია:

„იმედი“

„ტელეიმედის“ რეკლამის დამკვეთი კომპანიები, რომლებმაც III კვარტალში მაუწყებელს 500 000 ლარზე მეტი გადაუხადეს, იყვნენ:

• „მეამა“ - კომპანიის 90%-ს ფლობს ბიზნესმენი სულიკო ვარსემაშვილი;
• „სმარტ კაპიტალ ქონსალთენსი“ - ჩხარტიშვილების ოჯახის „სმარტ კაპიტალ ჯგუფის“ შვილობილი კომპანია;
• „ორბი ჯგუფი მილენიუმ“ - „ორბი ბათუმის“ შვილობილი კომპანია („ორბი ჯგუფი ბათუმის“ მფლობელი ზაზა ზოიძეა).

100 000-დან 500 000 ლარამდე:

• „კოკა-კოლა ბოთლერს ჯორჯია“ - თემურ ჭყონიას კომპანია;
• „ვიმ ბილ დან საქართველო“ - ფლობს რუსული „ვიმ ბილ დანი";
• საქართველოს რეგიონული განვითარებისა და ინფრასტრუქტურის სამინისტრო;
• „პსპ ფარმა“ - 95%-ს ფლობს ოპოზიციონერი პოლიტიკოსი, „ქართული ოცნების“ ყოფილი დეპუტატი კახა ოქრიაშვილი;
• ცესკო;
• „აიდიეს ბორჯომი თბილისი“ - ფლობს Rissa Investments Limited-ი, 7%-ს სახელმწიფო;
• „ნესტლე საქართველო“ - შვეიცარიული „ნესტლეს“ (CHE) შვილობილი.

„რუსთავი 2“

500 000 ლარზე მეტი:

• „მეამა“

100 000-დან 500 000 ლარამდე:

• „ორბი ჯგუფი მილენიუმი“;
• „კოკა-კოლა ბოთლერს ჯორჯია“.

50 000-დან 100 000 ლარამდე:

• „ავერსი ფარმა“ - (ფლობენ ბიზნესმენები პაატა და ნიკოლოზ კურტანიძეები);
• „ვიმ ბილ დან საქართველო“;
• „აიდიეს ბორჯომი თბილისი“.

7 000-დან 50 000 ლარამდე:

• „პსპ ფარმა“;
• „ჯი ემ ფარმასიუთიქალს“ - კახა ოქრიაშვილის კომპანია;
• „მაგთიკომი“ - ფლობს ამერიკაში რეგისტრირებული ორი კომპანია, „ინტერნეიშენელ ტელსელ სელულარის“ (51%) და „ტელსელ უაერლეს კომპანი“ (49%), რომელიც დაკავშირებულია ბიზნესმენ გია ჯოხთაბერიძესთან;
• ცესკო.

GDS

500 000 ლარზე მეტი:

• „მეამა“;
• „სმარტ კაპიტალ ქონსალთენსი“.

100 000-დან 500 000 ლარამდე:

• „კოკა-კოლა ბოთლერს ჯორჯია“

7 000-დან 50 000 ლარამდე:

• „ვიმ ბილ დან საქართველო“;
• „აიდიეს ბორჯომი თბილისი“;
• „GlaxoSmithKline Consumer Healthcare Sp. z o.o“ - ბრიტანული ფარმაცევტული კომპანია (აწარმოებს კბილის პასტა პაროდონტაქსს);
• „კოლგეიტ პალმოლივი“;
• „ლაქტალის ჯორჯია“ - საერთაშორისო „ლაქტალისის“ შვილობილი;
• „ნესტლე საქართველო“;
• „იაკობზ დაუ ეგბერტს საქართველო“ (ყავის მწარმოებელი).

„პოსტივი“

500 000 ლარზე მეტი:

• „მეამა“

100 000-დან 500 000 ლარამდე:

• „ბუმბა“ - ფლობს გიორგი ჯამრიშვილი;
• „ჯეოკეპ“ - ამ ფირმის საბოლოო ბენეფიციარიც გიორგი ჯამრიშვილია;
• „ვისოლ ავტო ექსპრესი“ - ფხაკაძეების „ვისოლის“ შვილობილი;
• „ბუნებრივი აირი“ - შოთა და დავით დემინაშვილების კომპანია;
• „კახური ტრადიციული მეღვინეობა“ (KWT) - ფლობს ბიზნესმენი ზურაბ ჩხაიძე;
• „სტერეო +“ - „ევროპელი სოციალისტების“ ყოფილი დეპუტატის, დავით ზილფიმიანის ოჯახის კომპანია.

50 000-დან 100 000 ლარამდე:

• „შპს სოლუშენ გრუპი“;
• „ტიფლის ფაბი“ - ირაკლი კოტეტიშვილი (რესტორნების ქსელი).

7 000-დან 50 000 ლარამდე:

• „ჩემი ნენა“ - ფლობს ზურაბ ჩხაიძის KWT

"ტელეკომპანია პირველი"

500 000 ლარზე მეტი „ტვ პირველზე“ რეკლამაში მესამე კვარტალში არავის დაუხარჯავს.

100 000-დან 500 000 ლარამდე:

• „შპს მერკადო“ - კომპანიის 63%-ს ფლობს „კეპლერ ინვესტმენტსი“, რომლის მფლობელიც პატიმრობაში მყოფი ბიზნესმენი გიორგი ბაჩიაშვილია;
• „კოკა-კოლა ბოთლერს ჯორჯია“.

50 000-დან 100 000 ლარამდე:

• „პსპ ფარმა“;
• „გეოპლანტი“ - კომპანიის 28,3-28,3 პროცენტს ფლობენ ბადრი ჯაფარიძე და „ხაზარაძე ჰოლდინგი“.

7 000-დან 50 000 ლარამდე:

• „ალტა რითეილი“ - „ალტას“ შვილობილი ფირმა;
• „ვაზისუბნის მამული“ - ბადრი ჯაფარიძე და „ხაზარაძე ჰოლდინგი“;
• „პირველი მეღვინეობა“ - 70%-იან მფლობელად რეგისტრირებულია "ტვ პირველის" დამფუძნებლის, ვატო წერეთლის დედის, ნანული ხუნდაძის კომპანია „სამგორი 94“;
• „სილქნეტი“ - კომპანიის სამეთვალყურეო საბჭოს თავმჯდომარეა „სილქ როუდ ჯგუფის“ დამფუძნებელი გიორგი რამიშვილი;
• „ეკო ინვესტი“ - მფლობელია საქართველო-სლოვაკეთის ორმაგი მოქალაქე ნოდარ გიორგაძე ("ჯინო ჰოლდინგის" პრეზიდენტი);
• „ნოვა“ - სამშენებლო და სარემონტო პროდუქტების იმპორტიორი და მწარმოებელი კომპანია, ჰყავს 5 მფლობელი.

„ფორმულა“

500 000 ლარზე მეტი არც „ფორმულაზე“ არ დაუხარჯავს რომელიმე კომპანიას რეკლამაში.

100 000-დან 500 000 ლარამდე:

• „კოკა-კოლა ბოთლერს ჯორჯია“

50 000-დან 100 000 ლარამდე:

• „გეოპლანტი“;
• „ვაზისუბნის მამული“;
• „პსპ ფარმა“.

7 000-დან 50 000 ლარამდე:

• „თიბისი ბანკი“;
• „მერკადო“;
• „მაგთიკომი“;
• „ელდრაივი“ - სომხეთში რეგისტრირებული „სოლარავტოს“ (შემოჰყავს BYD-ის მანქანები) შვილობილი კომპანია;
• „პრო მედია“ - სარეკლამო კომპანია, რომლის მფლობელია მაია მეტრეველი;
• ცესკო.