უკრაინის არმიამ ჩამოაგდო რუსეთის Су-34 ტიპის კიდევ ერთი საბრძოლო-ბომბდამშენი თვითმფრინავი - წერს უკრაინის საჰაერო ძალების მეთაური ტელეგრამით 27 თებერვალს.
"მინუს ერთი Су-34 აღმოსავლეთის მიმართულებით", - დეტალების დაკონკრეტების გარეშე ამბობს გენერალი მიკოლა ოლეშჩუკი.
რუსეთს არ გაუვრცელებია განცხადება უკრაინული მხარის მიერ გამოქვეყნებულ ამ ცნობაზე, რომლის დამოუკიდებლად გადამოწმება ჯერჯერობით არ ხერხდება.
ოლეშჩუკი 21 თებერვალსაც აცხადებდა Су-34 ტიპის თვითმფრინავის ჩამოგდებაზე. არც ამ ცნობის დამოუკიდებლად დადასტურება არ იყო შესაძლებელი.
