4 ოქტომბერს თბილისის ცენტრში დეპუტატ გივი თარგამაძის მანქანის აფეთქებას არაერთგვაროვანი რეაქცია მოჰყვა. ოპოზიციური „ერთიანი ნაციონალური მოძრაობის“ წევრები მომხდარში ხელისუფლებას ადანაშაულებენ და მინიშნებით საუბრობენ სახელმწიფო უსაფრთხოების სააგენტოს უფროსის მოადგილის იოსებ გოგაშვილისა და გივი თარგამაძის დაპირისპირებაზე.
მკაფიო მინიშნებები იკითხებოდა საქართველოს პრემიერ-მინისტრის განცხადებაშიც. „მინდა მივმართო ამ პროვოკაციის დამგეგმავებსა და განმახორციელებლებს - თქვენ აუცილებლად უმკაცრესად აგებთ პასუხს კანონის წინაშე. ვერც ერთ დამნაშავეს ვერ დაიცავს ვერანაირი იმუნიტეტი ან სხვა ქვეყნის მოქალაქეობა“, - განაცხადა გიორგი კვირიკაშვილმა. პოლიტიკოსები ამ თემაზე, როგორც ჩანს, არჩევნებამდე ასეთი „არგუმენტებით“ ისაუბრებენ, ჩვენ კი სიტყვას გადავცემთ პროფესიონალს, თავდაცვის სამინისტროს საინჟინრო სამმართველოს ყოფილ უფროსს, თადარიგის პოლკოვნიკ ჯანო გაგოშიძეს, რომელიც უპასუხებს ჩვენს შეკითხვებს.
