„სიტუაცია პოკროვსკში რთულია“, - თქვა ზელენსკიმ და ასევე უარყო რუსეთის ბოლოდროინდელი განცხადებები, რომ განადგურებული ქალაქი ერთ წელზე მეტი ხნის ბრძოლის შემდეგ ალყაშია მოქცეული. მან აღიარა, რომ ქალაქში რამდენიმე რუსული ქვედანაყოფი შევიდა, მაგრამ დაჟინებით გაიმეორა, რომ უკრაინელი დამცველები მათ ანადგურებენ.
„პოკროვსკში რუსები არიან, - განაცხადა ზელენსკიმ კიევში გამართულ პრესკონფერენციაზე. - ისინი ნადგურდებიან, თანდათანობით ნადგურდებიან, რადგან, რა თქმა უნდა, ჩვენ უნდა შევინარჩუნოთ ჩვენი პერსონალი“.
რუსეთის მიერ უკრაინაში სრულმასშტაბიანი შეჭრის თითქმის ოთხი წლის განმავლობაში, ალყის დროს უკრაინამ ზოგიერთი ადგილიდან გაიყვანა ჯარები დანაკარგების თავიდან ასაცილებლად.
რუსეთის პრეზიდენტმა ვლადიმირ პუტინმა ცოტა ხნის წინ განაცხადა, რომ რუსული ძალები მნიშვნელოვან წინსვლას აღწევენ ბრძოლის ველზე, თუმცა მათი წინსვლა ნელი და ძვირადღირებული იყო ჯარისა და ჯავშანტექნიკის მხრივ. პუტინი ცდილობს დაარწმუნოს შეერთებული შტატები, რომელიც მისგან სამშვიდობო შეთანხმების მიღწევას ითხოვს, რომ უკრაინას არ შეუძლია გაუძლოს რუსეთის სამხედრო უპირატესობას.
ფორუმი