იგნატიუს მალოიანი სომეხი კათოლიკე სასულიერო პირი, ოსმალეთში, მარდინის მთავარეპისკოპოსი იყო, რომელიც ისლამის მიღებაზე არაერთგზის უარის შემდეგ აწამეს და მოკლეს 1915 წელს სომეხთა მასობრივი ხოცვა-ჟლეტის დროს.
ყოფილი სატანისტი მღვდელი ბარტოლო ლონგო, იტალიელი იურისტი იყო. დაიბადა 1841 წელს და გარდაცვალა 1926 წელს. ის თავის დროზე სატანისტური კულტის მსახური იყო და შემდეგ კვლავ შეუერთდა კათოლიციზმს, დააარსა პომპეის როზარის წმინდა ღვთისმშობლის პაპის სალოცავი.
„დღეს ჩვენ წინაშე შვიდი მოწმეა, ახალი წმინდანები, რომლებმაც ღვთის წყალობით რწმენის ლამპარი ანთებული შეინარჩუნეს“, - განუცხადა ლეონმა შეკრებილებს, დაახლოებით 70 000 ადამიანს.
19 ოქტომბერს კათოლიკური ეკლესიის მიერ წმინდანებად შერაცხილთა შორისაა პიტერ ტო როტი, საერო პირი, რომელიც მეორე მსოფლიო ომში, იაპონიის ოკუპაციის დროს დაიღუპა; ვენესუელელი ექიმი ხოსე გრეგორიო ერნანდეს სისნეროსი, ასევე სამი მონაზონი: მათგან ერთი პირველი სამხრეთამერიკელი ქალი წმინდანია ვენესუელიდან და ორი იტალიელი მონაზონი, რომლებიც ჰოსპიტლებში ავადმყოფებზე ზრუნავდნენ.
კათოლიკურ ეკლესიაში წმინდანად შესარაცხად საჭიროა სამი პირობა - ყველაზე მნიშვნელოვანი ის არის, რომ შესაბამისმა პირმა სულ მცირე ორი სასწაული მოახდინოს; სულ მცირე ხუთი წლის წინ უნდა იყოს გარდაცვლილი და სამაგალითო ქრისტიანული ცხოვრება უნდა ჰქონდეს განვლილი.
ფორუმი