ისევე როგორც ყველა სხვა საქმეში, სადაც ბრალდება ნარკოტიკებს ეხება, დაცვის მხარის დაკვნით სიტყვაში მინიმუმ ერთი აბზაცი ეთმობა ფაქტს, რომ ნარკოტიკის ამოღების ვიდეომტკიცებულება არ არსებობს. ვიდეოს გადაღების ვალდებულება სამართალდამცველებს საკონსტიტუციო სასამართლომ დააკისრა
ადვოკატი ინგა ჯაბანაშვილი ამბობს, რომ პოლიციელების: გიორგი ქაჩლიშვილის, გიორგი თევდორაშვილის და ბეა წოწკოლაურის ჩვენებები არასანდოა. ისინი მონაწილეობდნენ თევდორე აბრამოვის ჩხრეკასა და დაკავებაში.
ის აანალიზებს სასამართლოში მათ მიერ მიცემულ ჩვენებებს და უზუსტობებზე საუბრობს. ადვოკატის მიზანია აჩვენოს, რომ შესაძლებელი იყო ვიდეოგადაღება, თუმცა პოლიციელებმა ეს მიზანმიმართულად არ გააკეთეს.
ადვოკატი ისევ ჩვენებებს განიხილავს და ცდილობს სასამართლოს აჩვენოს ის უზუსტობები და განსხვავებები, რაც ერთსა და იმავე ადგილზე, ერთსა და იმავე დროს მყოფი პოლიციელების მონაყოლშია. ამით კი მოწმეების სანდოობას აყენებს კითხვის ნიშნის ქვეშ. მისთვის საეჭვოა პატაკიც, რომლის საფუძველზეც საგამოძიებო მოქმედება გადაუდებლად ჩატარდა. ინგა ჯაბანაშვილს აინტერესებს - საიდან იცოდნენ, რომ თედო აბრამოვი საღამოს სახლიდან გამოვიდოდა და აქციაზე წავიდოდა, როცა ეს ბრალდებულსაც კი არ ჰქონდა თავად გადაწყვეტილი.
ადვოკატ, ინგა ჯაბანაშვილის თქმით, პოლიციელების პასუხი, რატომ არ გადაიღეს ჩხრეკა, არის ზოგადი და სამართალდამცველისთვის შეუსაბამო.
„უნდა გადაეღოთ, სიტყვები, რომ წინასწარ არ იცოდნენ, რა ვითარება დახვდებოდათ ადგილზე და არ მოემზადნენ[გულისხმობს პოლიციელების საკმარისი ოდენობის მობილიზებას] მხოლოდ და მხოლოდ თავის მართლებაა".
ფორუმი