სხდომა გაიხსნა დაცვის მხარის დასკვნითი სიტყვით, რომელსაც წარმოთქვამს ადვოკატი, ინგა ჯაბანაშვილი. ის კატეგორიული და მკაცრია და პირდაპირ ამბობს, რომ:
„ეს საქმე მაგალითია იმისა, როგორ შეიძლება სამართალდამცავი ორგანოები იქცნენ სამართალდამრღვევებად... ეს საქმე მაგალითია იმისა, როგორი მასშტაბური და აშკარაა სამართალდამცველი ორგანოების :პოლიციის და პროკურორის თვითნებობა უდანაშაულო ადამიანის დადანაშაულებაში".
[ბევრ მნიშვნელოვან წინადადებას წარმოთქვამს ადვოკატი, თუმცა დარბაზში ცუდად ისმის].
აგრძელებს ადვოკატი: ბრალდების მხარემ არ შექმნა ნეიტრალური მტკიცებულება. განზრახ არ აწარმოა ვიდეოგადაღება... აშკარად დასტურდება, რომ წარმოდგენილი მოწმეები იძლევიან არასწორ ინფორმაციას, რაც გვაძლევს დასკვნის გაკეთების საშუალებას, რომ ეს სისხლის სამართლის საქმე მთლიანად არის გაყალბებული".
ამის შემდეგ ადვოკატი საქმეში არსებული მოწმეების ჩვენებების დეტალურ განხილვას იწყებს და პირველი, ბრალდებულ თედო აბრამოვის ჩვენებას კითხულობს.
ადვოკატი ჰყვება, თედო აბრამოვის ოჯახზე, საბერძნეთიდან საქართველოში ჩამოსვლის მიზეზებსა და დროზე, აქციებში მონაწილეობის მოტივაციაზე.
„მაქსიმალურად ჩავერთე, რათა დავხმარებოდი დაზიანებულ ადამიანებს, ასე მივიჩნიე საჭიროდ, რომ დავხმარებოდი ჩემს ხალხს", - კითხულობს ამონარიდს თედო აბრამოვის ჩვენებიდან.
ამის შემდეგ დაკავების დღეზე ჰყვება ადვოკატი, ისევ თედო აბრამოვის ჩვენებაზე დაყრდნობით, თუ როგორ დახვდნენ სახლიდან გამოსულს პოლიციელები, გადაათრიეს ბუჩქებისკენ და ხელიდან გამოწიწკნეს ტელეფონი და არა ჯიბიდან ამოუღეს, როგორც საქმის მასალებშია.
„რომ მკითხეს, რამე საწინააღმდეგო თუ მქონდა ვუთხარი, თუ ასეთად თვლით მაქვს ნიღაბი, აირწინაღი, კასტეტი", - კითხულობს ადვოკატი თედო აბრამოვის ჩვენებას.
ადვოკატი ასკვნის, რომ ბრალდებულმა ძალიან სწორად შეაფასა ის სტრესული მდგომარეობა, რომელშიც მოხვდა და რომელსაც აღწერს.
„10-12 ადამიანის ყურება და არაფრის თქმა, როცა კითხვას უსვამ და პასუხს არ გცემენ, მასში მოახდენდა ფსიქოლოგიურ სტრესს...მას ტელეფონი არ ჰქონდა და თავისთავად იყო გაუგებრობაში", - ამბობს ადვოკატი.
ადვოკატის თქმით, თევდორე აბრამოვი თავიდანვე აცხადებდა, რომ ჩხრეკის დროს მისი პირადი ნივთები დაიკარგა, მაგალითად საბანკო ბარათი.
„იმ ადამიანს, ვისაც ხელში ნარკოტიკი ჰქონდა, [ანუ ამოღების შემდეგი ეპიზოდი] პირის ღრუში გამოუსვა ხელი....", - ამბობს ადვოკატი.
„მომატყუეს“, „ისარგებლებს", - კითხულობს თედო აბრამოვის ჩვენებიდან სიტყვებს და აცხადებს, რომ ჩხრეკის ოქმზეც მოტყუებით, ფსიქოლოგიური ზეწოლის ქვეშ მოაწერინეს ხელი, რადგან უთხრეს, რომ „არაფერი იყო ისეთ და რამდენიმე საათში გამოუშვებდნენ".
ფორუმი