ამის შემდეგ ადვოკატი ჰყვება ცენტრალურ კრიმინალურ პოლიციაში განვითარებულ მოვლენებზე, იმ პოლიტიკურ დიალოგებსა და მიმართვაზე, როგორც განყოფილებაში დამხვედრი პოლიციელები ესაუბრებოდნენ ბრალდებულს.
ინგა ჯაბანაშვილის თქმით, ტაქტიკაა, როცა ერთ-ერთი დამკავებელი კარგი პოლიციელის როლს ირგებს ხოლმე და ამით ბრალდებულის ნდობის მოპოვებას ცდილობს, ასე მოხდა თედო აბრამოვის შემთხვევაშიც, მას შემდეგ, რაც დააკავეს და წაიყვანეს კრიმინალურ პოლიციაში.
„პროკურორის კითხვაზე, რატომ მოაწერა ჩხრეკის ოქმებს, თუ მის შინაარს არ ეთანხმებოდა, აბრამოვმა უპასუხა: თქვენ ეტყობა არ ყოფილხართ პოლიციაში, როცა თავზე გადგათ 12 პოლიციელი და არ იცი მოგკლავენ თუ რას გიზამენ, იმის გათვალისწინებით, რაც გარეთ ხდებოდა", - იხსენებს ადვოკატი დიალოგს ბრალდებულსა და პროკურორს შორის.
ინგა ჯაბანაშვილი დაცვის მხარის მოწმეების ჩვენებებს განიხილავს და ამბობს, რომ მათ ფაქტობრივი გარემოებები დაადასტურეს, რომ მაგალითად, ჩხრეკის ადგილას იყო ათობით პოლიციელი და მტკიცება იმისა, რომ ვიდეო წინააღმდეგობის გაწევის გამო ვერ გადაიღეს, საფუძველს მოკლებულია, რომ გზაზე დადიოდნენ მოქალაქეები და ე.წ. ნეიტრალური მოწმის მოძიება შესაძლებელი იყო...
ფორუმი