ადვოკატს აინტერესებს, ამ ვიდეოს გარდა გამომძიებელმა მოიპოვა თუ არა რაიმე სხვა მტკიცებულება, რომელიც ადასტურებს ორგანიზებაში ბრალდებულების კავშირი.
გამომძიებელი ამბობს, რომ სხვა ვიდეოეებიცაა გამოთხოვილი, მაგრამ ამ საქმეზე ვეფხია კასრაძი ამსახველი არც ერთი არაა დამაგრებული.
არჩილ ჭავჭანიძე ეკითხება მოწმეს, შეუძლია თუ არა დაასახელოს დაზარალებული, რომელიც ვეფხია კასრაძისა და ვასილ კაძელაშვილის მიერ დაორგანიზებული ქმედებების შედეგად დაზიანდნენ.
გამომძიებელი იგივეს იმეორებს, რო ვერ დაინახეს ვისგან მოხვდათ ნივთი, რომელმაც დააზიანა, რადგან იყო სიბნელე, შორი მანძილი.
ადვოკატმა შეუსწორა, რომ ვეფხია კასრაძეს პიროტექნიკის სროლას არ ედავებიან. მისი შეფასებით, გამომძიებლისგან მიიღო პასუხი კითხვაზე, რომ „არ არსებობს ასეთი დაზარალებული".
ადვოკატს აინტერესებს ეს ვიდეო ფარული ჩანაწერია თუ არა. „ამ მიმართულებით მიდიოდა გამოძიება, რომ დადგენილიყო, ვინ გადაიღო, თუმცა ვერ დადგინდა გადამღების ვინაობა და ამტვირთველის".
კითხვებს სვამს ირაკლი მიმინოშვილის, გიორგი გორგაძისა და თორნიკე გოშაძის ადვოკატი, ნინო ლომინაძე.
ნინო ლომინაძე გარკვეულ გარემოებებს ადასტურებინებს გამომძიებელს, რომ მან დაავალა თანამშრომლებს სოციალურ ქსელები დაეთვალიერებინათ და დაენიშნათ ჰაბიტოსკოპიური ექსპერტიზები. ამის შემდეგ ვიდეოები შსს-დანაც გამოითხოვა, თუმცა ამ შემთხვევაში მოსამართლის განჩინება მოითხოვა.
გამომძიებლის თქმით, სოციალურ ქსელში ვიდეოების ამტვირთავებთან კონტაქტის დამყარებას ცდილობდნენ, თუმცა ვერ მოახერხეს.
ადვოკატი ნინო ლომინაძე ამბობს, რომ სოციალური ქსელში ატვირთული ვიდეოები ზუსტად ის ვიდეოებია, რომელიც გამომძიებელმა მოგვიანებით შსს-დან გამოითხოვეს. ერთი განსხვავებით - ფეისბუქზე ატვირთული უფრო მოკლე ვერსიაა.
„თქვენ როცა გაეცანით ამ ვიდეომასალებს მიმართეთ, თუ არა შესაბამის სტრუქტურას, რომ დაეწყოთ გამოძიება ამ საკითხზე, თუ როგორ გავრცელდა შსს-ს გადაღებული კადრები?", - კითხულობს ადვოკატი.
გამომძიებლის თქმით, არ იცის მიემართა თუ არა წერილით ამ საკითხზე შესაბამის სტრუქტურას. ადვოკატს აინტერესებს, თავად თუ მიმართა რაიმე ზომას. „გამოძიება მიდის ყველა მიმართულებით“, - ეს არის გამომძიებლის პასუხი.
ფორუმი