რას იტყვის საქმის მთავარი გამომძიებელი არსენ ხუნაშვილი ჯგუფური ძალადობის იმ საქმეზე, სადაც 8 აქტივისტია ბრალდებული და მათგან სამს ორგანიზებას ედავებიან?
11 დემონსტრანტის სხდომაზე არსენ ხუნაშვილმა თქვა, რომ "ორგანიზატორებსა და ბრალდებულებს შორის პირდაპირი კავშირი დადასტურებული არაა".
დღეს ჩართავენ ზვიად ცეცხლაძის "ხმიან ვიდეოსაც", რომელიც გამომძიებელმა "ფლეშკით" მოიტანა, მოსამართლე თამარ მჭედლიშვილმა კი ჩართვის ნებართვა მისცა. საქმეში ამ ვიდეოს დედანს ხმა არ აქვს.
დღესვე გავიგებთ, გამართლდება თუ არა ადვოკატების პროგნოზი და დაერთვება თუ არა ხმიანი ვიდეო საქმეს, როგორც მტკიცებულება და მისცემს თუ არა სასამართლო პროკურატურას შესაძლებლობას ხარვეზი გამოასწოროს.
მთავარ გამომძიებელზე მომზადებული მასალები რადიო თავისუფლებაზე:
სხდომათა დარბაზში შევედით. მოსამართლე და ბრალდებულები უკვე შემოყვანილები დაგვხვდნენ. გრძელდება მთავარი გამომძიებლის - არსენ ხუნაშვილის დაკითხვა. იქამდე განცხადება აქვს ადვოკატ, ნიკოლოზ ჯავახიშვილის ადვოკატი, გუჯა ავსაჯანიშვილს.
გუჯა ავსაჯანიშვილი განცხადების სახით ამბობს, რომ კანცელარიაში მიიტანა „ფლეშკა“ ინფორმაციით, რომელიც დალუქულია ფაილში. ის ამბობს, რომ „ფლეშკაზე“ ჩაწერილი ინფორმაციის წარდგენა სურს.
ისედა ხომ შეგეძლოთ წარგედგინათო - კითხულობს მოსამართლე. ადვოკატი ამბობს, რომ ამ გზით, თავიდან აიცილა ბრალდების ეჭვები იმასთან დაკავშირებით, რომ „შესაძლოა საქმეს არ ეხებოდა“.
პროკურორები ამბობენ, რომ მათთვის არაა ცნობილი, რა ინფორმაციის წარდგენა სურს მოწმისთვის ადვოკატს. ვაჟა თოდუას თქმით, ადვოკატი ვალდებულია დაასაბუთოს ეხება თუ არა საქმეს, ფლეშკაზე ჩაწერილი ინფორმაცია.
ფორუმი