გუჯა ავსაჯანიშვილი დაინტერესდა, რატომ არ ჩაატარა რაიმე საგამოძიებო მოქმედება სავარაუდო დანაშაულის ადგილზე, მაგალითად, დაზარალებულების მონაყოლის აღსადგენად.
მოწმე ამბობს, რომ აღნიშნულ პერიოდში მიმდინარეობდა საპროტესტო აქციები იგივე ადგილზე, პოლიციის მობილიზება იყო საჭირო....
ადვოკატი არ ასრულებინებს. მას ჩაკითხვა აქვს - პირველ იანვარს რომ გაგეკეთებინათ საგამოძიებო მოქმედება?
„მოწმეები პირდაპირ მიუთითებდნენ, აკონკრეტებდნენ, სად მიიღეს დაზიანეები, შესაბამისად საჭირო აღარ იყო", - ამბობს ის და უდასტურებს ადვოკატს, რომ ერთი საგამოძიებო ექსპერტიმენტიც არ ჩაუტარებია.
ადვოკატს აინტერესებს, ნიკოლოზ ჯავახიშვილთან დაკავშირებით ერთი მოწმე მაინც თუ გამოკითხა, მაგალითად ვიდეოდან, სადაც ჯავახიშვილია ასახული.
ამბობს გამომძიებელი რომ - არა. ამის პასუხად გუჯა ავსაჯანიშვილი ეუბნება, რომ თავად გაუცვალა დაცვის მხარის მოწმეების სია ამ ვიდეოდან.
„მითუმეტეს თქვენ შეგიძლიათ გამოკითხოთ“, - ამბობს გამომძიებელი. გუჯა ავსაჯანიშვილი აწყვეტინებს და შეახსენებს მის კანონით განსაზღვრულ მოვალეობას, ჩაატაროს ყოველმხრივი გამოძიება.
მოსამართლემ დაუზუსტა მკაცრი ტონიღ - თქვენ გეკითხებით გამოკითხეთ თუ არა და უპასუხეთ.
- „ამ საქმეში არა, ქალბატონო მოსამართლე".
ბატონო მოსამართლე - შეუსწორა მოსამართლემ.
ადვოკატის მორიგი კითხვაა. არსენ ხუნაშვილს გაეცინა, როგორც ჩანს, რადგან მოსამართლე ბრაზობს - თუ გეცინებათ სამსახურში მიბრძანდით და იქ იცინეთ, მე აქ არ მეცინება, გისმენთ ამდენი ხანიაო. გამომძიებელიც ამბობს, რომ არ ეცინება. მოსამართლის თქმით, სხვა გამომეტყველება დასთამაშებდა სახეზე.
ავსაჯანიშვილი დაინტერესდა, გამოთხოვილია თუ არა ჯგუფური ძალადობის საქმეში ნიკოლოზ ჯავახიშვილის საბანკო ანგარიშები.
„გამოძიება მუშაობს, გამოთხოვილია სხვადასხვა პირების ანგარიშები..", - ამბობს გამომძიებელი. გუჯა ავსაჯანიშვილი შეახსენებთ, რომ გამოძიება ამ საქმეზე დასრულებულია.
საბოლოოდ გამომძიებელმა თქვა, რომ „ამ საქმეში - არა". ამასთან ამბობს, რომ ორგანიზატორების საბანკო ანგარიშები გამოთხოვილია და თუ დადგინდება კავშირი ცნობილი გახდება".
პროკურორებმა რამდენჯერმე მოითხოვეს კითხვების აცილება არგუმენტით, რომ მოწმე მის მიერ ჩატარებულ საგამოძიებო მოქმედებებზე იკითხება. მოსამართლე რიტორიკულად კითხულობს, ანუ მთავარი გამომძიებელი არ დავკითხოთ იმ საგამოძიებო მოქმედებაზე, რომელიც უშუალოდ მთავარ გამომძიებელს არ ჩაუტარებიაო?.
გამომძიებელი უდასტურებს ნიკოლოზ ჯავახიშვილის ადვოკატს, გუჯა ავსაჯანიშვილს, რომ ამ საქმეში ფეიერვერკი არ არის ამოღებული. მისივე თქმით, წარმოუდგენელი იყო შემთხვევის ადგილის დათვალიერება და მტკიცებულებების ამოღება[დაზიანებული ურნა, სკამები და ა.შ.].
„პოლიცია და სპეციალური დანაყოფები ვერ მიდიოდნენ, მე როგორ უნდა დამეთვალიერებინა"?
ის ადასტურებს, რომ შსს-ს ოპერატორები არ გამოუკითხავს და მათგან მხოლოდ ინფორმაცია გამოითხოვა.
ამის შემდეგ, გუჯა ავსაჯანიშვილი დაინტერესდა, რა არის უახლოესი მანძილი პოლიციასა და იმ ადგილს შორის, სადაც ნიკოლოზ ჯავახიშვილი დგას.
„გამოძიებით არის დადგენილი, რომ ქაშვეთთან დგას პოლიცია, ძალიან ბევრი ვიდეოა გამოთხოვილი, ძალიან ბევრი მოწმეა დაკითხული", - ამბობს გამომძიებელი.
ფორუმი