არსენ ხუნაშვილი ისევ უსმენს ვიდეოს და თან ფურცელზე რაღაცებს ინიშნავს
საქმის მთავარმა გამომძიებელმა ბოლომდე უყურა, ყურსასმენებში [დამსწრეებს არ გაუგონიათ და არ დაუნახავთ] ზვიად ცეცხლაძის წინააღმდეგ ვიდეოს და ახლა მზადაა კითხვებს უპასუხოს.
ის ჯერ ბრალდების მხარის კითხვებს პასუხობს, შემდეგი დაცვაა. პროკურორ ვაჟა თოდუას აინტერესებს, რას საუბრობს ზვიად ცეცხლაძე ვიდეოში.
გამომძიებლის თქმით, ვიდეო 15 წუთი და 20 წამია და აგრძელებს: „საწყის ეტაპზე ვიდეოში საუბრობს ორი ახალგაზრდა მამაკაცი, რომლებიც საწყის წუთებში ჰყვებიან აქციებზე განვითარებულ მოვლენებს, პლოლიციელებს მოიხსენიებენ გიენებად. მესამე წუთიდან ზვიად ცეცხლაძე ამბობს, რომ რუსთაველი არის მოუხერხებელი, ვინაიდან ვერ უწევენ წინააღდეგობას პოლიციელებს, მიმართავს და ეუბნება ჩამოიტანონ ბარიკადები. მისი თქმით, არ არის აუცილებელი რევოლუცია მოხდეს პარლამენტთან და იხსენებს უკრაინას, რომ მაიდანი იქ თავისუფლების მოედანზე მოხდა"
აჩერებს ადვოკატი დავით ჭიკაიძე. მისი თქმით, ის მართალი იყო, როცა თქვა, რომ ამ ვიდეოს მოსმენის შესაძლებლობა, საბოლოოდ, აღნიშნულ ვიდეოს მტკიცებულებად აქცევს, რადგან მოწმე ჩანაწერის მიხედვით საუბრობს და არა დათვალიერების ოქმის, რომელიც ასევე ამ ჩანაწერს ეყრდნობა.
აგრძელებს გამომძიებელი - „ასევე ამბობს [ზვიადი] საჭიროა ბარიკადების აგება. 5 წუთიდან ამბობს, რომ საჭიროა კოცონი, რადგან აირწინაღის როლს თამაშობს და კარგია გაშრობისთვის და გათბობისთვის. ამბობს, რომ მავთულხლართია საჭირო, რადგან გაუჭირდება პოლიციას გადალახვა. ის ხელახლა აჩვენებს მოსახლეობას, როგორ მზადდება ფარები. შვიდი წუთიდან საუბრობს, რომ ზეთია საჭირო, რადგან თუ დაასხავენ ძირს პოლიციის ეკიპირება არის ადვილად გაცურებადი და პრობლემა შეექმნებათ პოლიციელებს, ეკლიანი მავთულის, ლურსმნების დაყრაზე საუბრობს, ასევე კვერცხებზე საღებავებით, ეს საღებავი და კვერცხი აეზილებათ და გართულდება გადაადგილებაო. ასევე საუბრობს, კამერების განეიტრალებაა საჭიროო, რადგან არ დაფიქსირდნენ ამ კამერაში, შესაძლებელია გამოიყენონ კაფი და საღებავი, კარგია თუ დააბეტონებენ ქვებს, ეს გამოიყენეს ჩინეთში და პოლიციის მანქანებს აღარ ექნებათ შესაძლებლობა, რომ გადაადგილდნენ გზებზე და დიიდ რესურსის დახარჯვა მოუწევთო. ამ ეკლიანი მავთულების გაწყვეტის საშუალებას კი იქ მყოფი ხალხი არ მივცემთო. 9 წუთზე და 30 წამზე საუბრობს, რაა საჭირო პოლიციელზე თავდასხმისთვის. ამბობს, რომ ცალცალკე უნდა შეიძინონ, რადგან ჯგუფურობა არ იყოს და არ დააკავონ. საუბრობს პილპილზე და წიწაკის სპრეის გამოყენებაზე. ამბობს, რომ ყველანაირი ქმედება უნდა იყოს ორგანიზებული, საუბრობს, რომ ეს პროტესტი უნდა მიმდინარეობს ყველა ქალაქში ცალ-ცალკე, რომ ვერ შეძლონ მობილიზება ხალხის. ასევე საუბრობს,რომ დილის და საღამოს სმენები უნდა გადანაწილდეს, რომ ხალხი იყოს დასვენებული".
პროკურორი ეკითხება, საიდან მოიტანა ეს ვიდეო. გამომძიებლის თქმით, ეს ის ვიდეოა, რომელიც გადმოიწერა სოციალურ ქსელიდან, მასზე ჩაატარა ექსპერტიზა და ასევე გადასცა სასამართლოსაც, მტკიცებულების სახით. ვიდეო, რომელსაც ახლა უსმენს გამომძიებელი, მის პირად კომპიუტერშია შენახული.
ბრალდების მხარემ კითხვები დაასრულა და ვაჟა თოდუამ თქვა ის, რაც ივარაუდეს ადვოკატებმა ჯერ კიდევ წინა სხდომაზე. პროკურატურამ ზვიად ცეცხლაძის „ხმიანი ვიდეოს“ საქმეზე დართვა მოითხოვა. არადა, ეს ვიდეო უკვე არის საქმეში, თუმცა ერთი დიდი ხარვეზით - აღმოჩნდა, რომ ხმა არ აქვს. საბოლოოდ, პროკურორებმა ადვოკატების თქმით, ხრიკს მიმართეს, ამ გზით, ვიდეოსთან დაკავშირებული „ხარვეზი“ თუ “შეცდომა“ გამოსწორდება. იქამდე სანამ ვიდეო მტკიცებულებაა არაა, მისი თუნდაც ყურსასმენით მოსმენა და სასამართლოზე მისი შინაარსის მოყოლა, მას არ აქცევს ინფორმაციად, რომელიც მოსამართლემ უნდა გაითვალისწინოს.
ამიტომ დასჭირდა პროკურატურას წინასწარ ცნობილი ფინალით გამოსავლის მოძებნა.
დავით ჭიკაიძემ იკითხა, რატომ დასჭირდა ამ ვიდეოს ჩართვა სხდომაზე. გამომძიებელი ამბობს, რომ დიდი ვიდეო იყო და შინაარსის ზედმიწევნით დამახსოვრება - შეუძლებელი.
დავით ჭიკაიძის თქმით, ის, რაც დღეს მოჰყვა ხუნაშვილმა, დათვალიერების ოქმში ასახული არ აქვს. ადვოკატი მიზეზით დაინტერესდა - რატომ?. გამომძიებელი ამბობს, რომ ზუსტი ციტირება არ გაუკეთებია, თუმცა შინაარსი აღწერა.
დავით ჭიკაიძეს აინტერესებს, ზუსტად იცის თუ არა გამომძიებელმა, რომ ჩანაწერი, რომელსაც ჯერ მოუსმინა და შემდეგ სასამართლოზე მოჰყვა, ბრალდებულებიდან, რომელიმემ ნახა თუ არა.
მოსამართლე დამატებით განმარტებას აკეთებს, რომ არსენ ხუნაშვილის ამ კითხვაზე პასუხს, მოსამართლე “შეფასებად არ ჩათვლის“, რადგან ის მთავარი გამომძიებელია.
არსენ ხუნაშვილის თქმით, სრულიად შესაძლებელია ნებისმიერ მათგანს ენახა აღნიშნული ვიდეო...
ადვოკატი მოუწოდებს გამომძიებელს, რომ ვარაუდებით ნუ საუბრობს და ზუსტი პასუხი გასცეს, ანუ იცის თუ არა, რომ ბრალდებულებმა ზვიად ცეცხლაძის ჩანაწერი ნახეს.
გამომძიებლის თქმით, რუსთაველის გამზირზე მოვლენები ვითარდებოდა იმ სურთით, რაზეც ზვიად ცეცხლაძე საუბრობს, შესაბამისად, დიდი ალბათობით, დიდი რა, ასე იყო, მოახდენდა ბევრ მონაწილეზე გავლენას, არ აქვს მნიშვნელობა ნიკოლოზ ჯავახიშვილი იქნებოდა თუ სხვა. „სურათიდან გამომდინარე მოახდინა რათქმა უნდა გავლენა",- ამბობს გამომძიებელი.
ამის შემდეგ ადვოკატი დაინტერესდა, აქვს თუ არა მტკიცებულება იმისა, რომ ბრალდებულებმა უყურეს ამ ვიდეოს, მაგალითად ჰქონდა თუ არა მოწონება გაკეთებული.
გამომძიებლის თქმით, ბრალდებულებს არ ჰქონიათ არანაირი მოწონება.
დავით ჭიკაიძეს აინტერესდა, ხომ არ ჩაუტარებიათ ამ ვიდეოს გავლენაზე კვლევა, მაგალითად, რამდენმა მოიწონა,რამდენმა დაგმო. „ტელევიზორში ვინ უყურა ვერ დავადგენდით", - ამბობს გამომძიებელი. უსწორებს ბრალდებული ცეცხლაძე, არ იყო ეს ვიდეო ტელევიზორშიო, მოსამართე მოუწოდებს მოწმეს, უპასუხოს კითხვას.
გამომძიებლის თქმით, არ უკვლევიათ, ვინ მოიწონა და ვინ დააჰაჰავა.
„რუსთაველზე განვითარებული მოვლენებიდან გამომდინარე ძალიან ბევრ მონაწილეს ჰქონდა ნანახი, ამას სხვა გარემოება არ აქვს", - ამბობს ადვოკატი.
ამის პასუხად ადვოკატი ამბობს, რომ რუსთაველის გამზირზე ბოლო წლებია ბევრი აქცია გამართულა და ისინი ძალიან ჰგავდნენ ერთმანეთს. გამომძიებლის არგუმენტია, რომ აქამდე პიროტექნიკა არასდროს გამოუყენებიათ დემონსტრანტებს.
ფორუმი