ახლა პროკურორები იმ ვიდეოს შემოწმებას ითხოვენ, რომელიც გამომძიებელმა მეხსიერების ბარათით მოიტანა. ამ ვიდეოს ხმა აქვს, განსხვავებით დედანისა. არადა ეს ვიდეოები გამომძიებლის მტკიცებით, იდენტურია. ასე არ ფიქრობენ ადვოკატები, ისინი ვიდეომტკიცებულების ავთენტურობას კითხვის ნიშნის ქვეშ აყენებენ.
უცნობია, რა მიზანს ემსახურება პროკურორების მხრიდან ამ ვიდეოს შემოწმების მოთხოვნა.
კითხვებს სვამს თამარ მჭედლიშვილი. ის აზუსტებინებს გამომძიებელს, როცა თქვით ხელკეტები ამოვიღეთ, ამ საქმეზე თქვითო?
გამომძიებელი ამბობს, რომ „ოფისების ჩხრეკისას ამოიღეს“, „ამ საქმეზე არა“, საიდანაც ეს საქმე გამოიყო იქაა ამოღებულიო.
აგრძელებს მოსამართლე კითხვების დასმას: თქვენ თქვით, რომ შევამოწმე დისკი და ხმა რომ არ ჰქონოდაო, არ დაასრულეთ, რა იგულისხმეთ?
გამომძიებელი: დეფექტი რომ ჰქონოდა ახლიდან ჩამოვტვირთავდი ან რაიმეს ვიზამდი
მოსამართლე: ანუ თქვენი მოსაზრებაა, რომ სასამართლოში წარმოდგენამდე ხმა ჰქონდა?
გამომძიებელი: არა, ექსპერტიზაზეც იყო გაგზავნილი, წარმოდგენა არ მაქვს რა მოხდა
- როცა ზვიად ცეცხლაძის ბინის ჩხრეკის ბინა იჩხრიკებოდა, თქვენ ვინმე დაგიკავშირდათ?
- ამ დროს ერთად ბევრი საგამოძიებო მოქმედება იყო, ვიცოდი, რომ იჩხრიკებოდა
მოსამართლემ კითხვების დასმა დაასრულა.
კითხვებს სვამს ბრალდებული ნიკოლოზ ჯავახიშვილი:
- გამოძიებელს აქვს თუ არა მოვალეობა, პირზე, რომელსაც ბრალი წაუყენა, გამოითხოვოს ყველა მოქმედება მისი და ინფორმაცია
- რას გულისხმობთ ყველა ინფორმაციაში?
- მაგალითად, სად ვსწავლობ
- ეს გამოძიებისთვის არ იქნებოდა მნიშვნელოვანი
- ჩემი ტელეფონის ჩანაწერები, გადაადგილება, სად ვცხოვრობ, ვმუშაობ მეგობრები
- შენი მეგობრების დადგენა გამოძიებისთვის არ იქნებოდა მნიშვნელოვანი, სადაც ცხოვრობ დადგენილია და ბინა გაჩხრეკილია... ანგარიშები და ტელეფონის ჩანაწერები გამოთხოვილია
- თქვენ თქვით, რომ ადგილზ ვერ მიდიოდით, როცა დასუფთავების სამსახური ასუფთავდება ქუჩას, მაშინ ვერ მიხვიდოდი?
- დილიდანვე აქციები იყო და ხალხი იყო
- დარბევების მერე დასუფთავების სამსახურს არ გაუვლია იქ ადგილზე?
- რომ გაივლიდა, შემდეგ ხალხი ჩადიოდა ისევ.... დაზიანებულისთვის სურათები გადაღებულია და დართულია საქმეზე.
[მოსამართლე უზუსტებს კითხვას]
გამომძიებლის თქმით, ადგილზე მისვლა რელევანტური აღარ იყო, რადგა გადარეცხილი ხვდებოდა ყველაფერი.
- ვიდეოში, რაც გაჩვენათ ჩემმა ადვოკატმა ჩემზე ბნელა თუ ხელოვნურადაა განათებული?
- აღქმადი არ იყო. ხელოვნურადაა განათებული.
ნიკოლოზ ჯავახიშვილმა კითხვები დაასრულა.
არჩილ ჭავჭანიძეს აინტერესებს, რატომ არ გაჩხრიკა ვეფხია კასრაძის საცხოვრებელი სახლი, თუ ის კაძელაშვილთან ერთად ძალადობრივ ქმედებებს გეგმავდა, მათ შორის „ჩახოცვას“, „გადაწვას".
„არ მახსოვს...", - ამბობს მოწმე.
„რის საფუძველზე ვზივარ ციხეში, არაა ექსპერტიზა ჩატარებული, გამაგებინეთ“, - ისმის ვეფხია კასრაძის ხმა.
ფორუმი