17:35 - სხდომა დასრულდა: კვლავ გაისმა შეძახილები „თავისუფლება მზიას“
17:33 - პროკურატურის დასკვნის სიტყვის მოსმენის შემდეგ მოსამართლე ნინო სახელაშვილმა თქვა, რომ ითვალისწინებდა ადვოკატების შუამდგომლობას და დასკვნით სხდომას 28 ივლისის ნაცვლად 1 აგვისტოს გამართავდა. სხდომა კვლავ 13:00 საათზე დაიწყება.
17:30 - მოსამართლე ნინო სახელაშვილმა სხდომათა დარბაზიდან გააძევა ჟურნალისტი ზვიად ქორიძე. მან პროკურორის დასკვნითი სიტყვის დროს თქვა, „იფიქრეთ თქვენს სასჯელზე“. ამ შეძახილის გამო მოსამართლემ მას ფეხზე წამოდგომა სთხოვა, უთხრა, რომ ითვალისწინებდა მის ასაკს და ამის გამო არ გააძევა გასულ სხდომაზეც, როცა რეპლიკა წარმოთქვა. ამის პასუხად ზვიად ქორიძემ თქვა, რომ ეს იყო ეიჯიზმი და ასაკს არ ჰქონდა მნიშნელობა.
„ამ პროკურორებთან ერთად თქვენც იფიქრეთ თქვენს სასჯელზე“, - თქვა გაძევების დროს ზვიად ქორიძემ.
„მადლობა, ზვიად“, - უპასუხა მზია ამაღლობელმა.
17:22 - ბრალდების დასკვნით სიტყვას აგრძელებს პროკურორი შოთა ჩხაიძე. მან გაიხსენა აჭარის პოლიციის ყოფილი უფროსის, გრიგოლ ბესელიას მიერ 28 აპრილს სასამართლოსთვის მიცემული ჩვენება, რომელმაც თქვა „ისეთი ხმა იყო [სილის] დარტყმის, დაიშალა საერთოდ აქცია“.
ამ სიტყვების გამეორებამ სხდომათა დარბაზში დამსწრეები გააცინა. გაიცინა მზია ამაღლობელმაც.
ფორუმი