ლაშა ცუცქირიძის კითხვები ნინო ბორაშვილს:
- თქვენ მუშაობთ შსს-ში, ხომ ასეა? თქვენი რეგალია, პოლიციის უფროსი ლეიტენანტი ხართ თუ არა?
- დიახ
- შესაბამისად, ხართ პოლიციელი
- დიახ.
- კერძო პირს, ადვოკატს, თუ შეუძლია დანიშნოს თქვენთან ექსპერტიზა?
- არ შეუძლია
- ე.ი. თქვენ გამომძიებლის დასმულ კითხვებს პასუხობთ
- დიახ.
- ტანსაცმელზე იყო კითხვა დასმული. ჩემი სამოქალაქო ცოდნიდან გამომდინარე ტანსაცმლით ადამიანის იდენტიფიცირბა ჰაბიტოსკოპიურ ექსპერტიზაში მეთოდოლოგია?
- არის, მაგრამ დავაზუსტებ, მხოლოდ ტანსაცმლით ადამიანის იდენტიფიკაცია არ ხდება.
- მე და თქვენ თუ ვიცნობთ ერთმანეთს ვიზუალურად?
- კი, რომელიღაც პროცესიდან მახსოვხართ
- და მინდა იცოდეთ, რომ თქვენ გაეცით დასკვნა ანზორ კვარაცხელიაზე, იდენტიფიცირებადია ტანსაცმლითო და სამხარაულმა თქვა, რომ შეუძლებელია იდენტიფიცირება.
„მეტაინფორმაცია შეცვლილი იქნება თუ არა, ეს ჰაბიტოსკოპიურ კვლევებს ხელს არ უშლის...ჰაბიტოსკოპიური და კომპიუტერული ფოტო-ვიდეო ექსპერტიზაა საჭირო, რომ გაიგოს აღენიშნება, თუ არა ვიდეოს მონტაჟის ნიშნები და რედაქტირების“, - ამბობს ექსპერტი ადვოკატ, რევაზ აჭარაძის კითხვების პასუხად, რომელიც ცდილობს გაარკვიოს, თუ საკვლევია ვიდეო, რომელიც ორიგინალი არაა, ანუ მაგალითად ფეისბუქიდან ჩამოიწერეს, შესაძლებელია თუ არა გარკვევა, რამდენად დაიკარგა მეტაინფორმაცია „გზაში”.
ადვოკატი ცდილობს გაარკვიოს - ის, რაც ვიდეოში ჩანს და ისმის, ორიგინალია თუ მიზანმიმართულად დაზიანებული.
ექსპერტი იმეორებს, რომ ისინი არ იკვლევენ შინაარსს, ჰაბიტოსკოპიურ ექსპერტიზას კი, თუნდაც ვიდეო დამონტაჟებული იყოს, იმ შემთხვევაში, თუ ეს მონტაჟი არ აზიანებს გამოსახულებას, ხელს არ უშლის..
ადვოკატ ომარ ფურცელაძის კითხვა ექსპერტს: „გარდა თქვენი როგორც ვიზირების გამცემი პირისა, ვის უნდა გადაემოწმებინა ექსპერტის ნამუშევარი?“.
ამ კითხვას მოწმე პირდაპირ არ პასუხობს და ექპერტის სამუშაოს აღწერას იწყებს.
ადვოკატი ისევ: თქვენი ხელმოწერა ნიშნავს თუ არა ექსპერტის მიერ ჩატარებული სამუშაოების მართლზომიერების დადასტურებას?
„მე ამაზე ვერაფერს გეტყვით.... ცდილობს გააგრძელოს და აჩერებს ადვოკატი, მივიღე პასუხიო“.
ექსპერტის თქმით, ვიდეოგრამა თუ არის ოთხწუთიანი ან ორწუთიანი და დადგენილებაში მითითებულია, ვინ არის გამომძიებლისთვის საინტერესო პიროვნება, ორწუთიან ვიდეოზე მარტივი მისაგნებია, მაგრამ თუ დიდი ვიდეოგრამაა და ბევრი ობიექტი ფიქსირდება, უნდა „მიუთითოს“ გამომძიებელმა, ვინ არის საინტერესო.
ფორუმი