დღეს ჩვენს გადაცემას ცოტა უჩვეულო ფორმატი აქვს: გავიხსენებთ საბჭოთა არმიის მიერ საქართველოს დემოკრატიული რესპუბლიკის ოკუპაციას - ტრაგიკულ თარიღს, რომელსაც 95 წელიწადი გვაშორებს. ამ დღეს განსაკუთრებით ხალხმრავლობაა თბილისში, საქართველოს ეროვნულ მუზეუმში გახსნილ „საბჭოთა ოკუპაციის მუზეუმში“. აქ დაცულია ზოგიერთი ისეთი ექსპონატი, რომელიც დამთვალიერებელს შეახსენებს, რომ რუსეთის ოკუპაცია არც 1921 წელს დაწყებულა და არც 2008 წლის აგვისტოს ომით მთავრდება, - გვითხრა მუზეუმის თანამშრომელმა, დალი იაშვილმა, რომელიც ამ სიტყვებით და ჩვენი თხოვნით, ტელეფონის საშუალებით გაგვიძღვა საგამოფენო დარბაზში.
