ეროვნულ სამეცნიერო ბიბლიოთეკაში წიგნის ხელოვნების ცენტრი პრინტის ფესტივალისთვის ვორკშოპების სერიას მასპინძლობს. თანამედროვე ხელოვანთა, მხატვართა და ფოტოგრაფთა ნამუშევრები ბეჭდვის სხვადასხვა ტექნიკით სრულდება (სერიგრაფია, ოფორტი, ლითოგრაფია, გრავიურა..). ხელოვანთა შემოქმედება სახელოსნოდან ქუჩებსა და სხვადასხვა საგამოფენო სივრცეში გადაინაცვლებს. ქართველ და უცხოელ ხელოვანთა ნამუშევრები მოგზაურობას აგვისტოში ბათუმიდან დაიწყებს, მესტიის, თელავისა და ოზურგეთის შემდეგ კი ბოლო გამოფენა თბილისში მოეწყობა.