18:36 - განცხადების უფლებას იყენებს პოლიტიკოსი ირაკლი ნადირაძე. მას აკრძალული აქვს ყველა სახის კომუნიკაცია გარესამყაროსთან.
„დღეს 26 ნოემბერია და ორ დღეში ერთი წელი ხდება იმ ავბედითი დღიდან, 28 ნოემბრიდან, იმ დღეს პრემიერადწოდებულმა ირაკლი კობახიძემ გვითხრა, რომ ქვეყანა აღარ მიდიოდა ევროპისკენ და მიდიოდა გაურკვეველი მიმართულებით და ეს გაურკვეველი მიმართულება არის რუსეთი.
28 ნოემბერს მათ დააამხეს კონსტიტუცია. თუ ვინმე დაამხო კონსტიტუცია ეს იყო ქართული ოცნება და ბიძინა ივანიშვილი. ამ დღეს ქართულმა და საერთაშორისო საზოგადოებამ გაიგო, რომ ბიძინა ივანიშვილმა მოიგო არჩევნები, რათა ნაბიჯნაბიჯ განეადგურებინა დემოკრატიული ინსტიტუტები და დაემყარებინა დიქტატურა.
ერთი მხრივ ამ ქვეყანაში გვყავს მოსახლეობა, რომელიც არის გაჭირვებაში და სიღარიბეში, პენსიონერებს პენსია არ ყოფნით და ამ დროს ე.წ. მთავრობა, რომელიც მშვიდად აგროვებს ოქროს ზოდებს, მილიონებს, მილიარდებს და თან დაგვცინის.
...ახლა განათლების სისტემას მიადგნენ, როცა მათი შვილები საუკეთესო უნივერსიტეტებში აგრძელებენ სწავლას, ჩარტერითაც ჩაჰყავთ ხოლმე.... 4 ოქტომბერი იყო ამ უსამართლობის, დამცირების გამოძახილი.
4 ოქტომბერი ეს იყო ბრძოლის დღე, თავისუფლებისთვის, ჩვენი ღირსებისთვის, ამას ჰქონდა უარყოფითი ასპექტები, უამრავი ახალი პოლიტიკური პატიმარი, ეს ადამიანები სამშობლოს სიყვარულისთვის სხედან....
ერთწლიანი უწყვეტი პროტესტი გვაქვს და უნდოდათ მთელი ეს პროტესტი და 4 ოქტომბრის დღე შეებღალათ, როგორც ძალადობრივი...
დიახ ასობითათასმა ადამიანმა, საქართველოს მოქალაქემ დავინახეთ, რომ არ გვინდა ჩვენ გარუსება..".
[აჩერებს მოსამართლე - „ეს არ არის პოლიტიკური არენა, სასამართლო სხდომის დარბაზია, აქ პოლიტიკური განცხადებების ადგილი არ არის“].
მოსამართლე ერთ წუთს აძლევს ირაკლი ნადირაძეს, არანაირი პოლიტიკური განცხადებაო. ნადირაძე ამტკიცებს, რომ 4 ოქტომბერზე საუბრობს, არ გაინტერესებთ რამ მიგვიყვანა ამ დღემდეო?
„თუ ვინმეს არ უნდა 4 ოქტომბერი და ყველაფერი გააკეთა, არის ქართული ოცნება და 50 აკაცუკის ნაცვლად 100 000 ქართველი გამოვიდა“.
„...ოთხი ოქტომბრის შემდეგ დისკუსია მიდის, რომ ერთობას არ აქვს ალტერნატივა, ჩვენ ერთად უნდა ვიმოქმედოთ და მშვიდობიანად გავისტუმროთ ეს ხელისუფლება...იყო ლიდერებზე დაცინვა, ჩვენი სიამაყე, მსოფლიო ბანი, დასცინოდნენ, ლევან ხაბეიშვილს, ქარიზმატულ ლიდერს დასცინოდნენ, ის რომ დაიჭირეს მე ამის შემდეგ გამოვჩნდი ტელევიზიებში, შემდეგ იყო ვითომ კასრები, ბომბები, ან ეს ნივთენი სადააა, ან ის ფული სად გაქრა?
გვაბრალებდნენ, რადგან პროპაგანდისთვის სჭირდებოდათ. მიტინგზე ჰყავდათ ჩანერგილი ასობით ტიტუშკა და პროვოკატორი.
ფაქტია, რომ უნდა ვიყოთ ერთად და კავშირზე საერთაშორისო პარნიორებთან და იქნება ეს ახალი სანქციები, უვიზოს შეჩერება, მეგობარი აქტი, რომლის ბიძინა ივანიშვილს ასე ეშინია, მიგვიყვანს გამარჯვებამდე“.
ერთვება საუბარში ბექა ბასილაია და ამბობს, რომ თავად ეს საქმეა პოლიტიკური და ირაკლი ნადირაძეს სწორედ ასეთი განცხადებების გამო აქვს ბრალი წარდგენილი და გვერდს ვერ აუვლიან პოლიტიკას.
პაატა ბურჭულაძე აგრძელებს:
„პასუხი უნდა აგონ მოღალატეებმა, ნაცვლად იმ უდანაშაულო ადამიანებისა, ბავშვებისა, ვისაც ქუჩებიდან, სახლებიდან, ოჯახებიდან იტაცებენ. ისინი თავად ბოროტებას ემსახურებიან ჩრდილიდან - დევნის, დაშინების და დამორჩილების გზით. სწორედ ამ დამნაშავეების სია იყო ის, რაც სცენიდან იქნა წაკითხული და რის გამოც ჩვენ საპყრობილეში აღმოვჩნდით, მაგრამ დარწმუნებული ბრძანდებოდეთ, ეს დამნაშავეები პასუხს აგებენ კანონისა და ქართველი ხალხის წინაშე“.
„ქართველი ხალხის გეგმა იყო ათონელის ქუჩაზეც გაგვემართა მშვიდობიანი მიტინგი, რომელშიც მონაწილეობას მიიღებდნენ როგორც კრების დელეგატები, ასევე, დიდი ალბათობით, ველოდებოდით, სამართალდამცველებსაც და, შემდგომ, უამრავი ადამიანი მოვითხოვდით პრეზიდენტის სასახლის გასაღების გადმოცემას, რაც უეჭველად მშვიდობიანად მოხდებოდა, რომ არა ის პროვოკაცია რაც მოაწყო ოცნებამ - ქართველი ხალხის წინააღდეგ. შედეგად კი უამრავი უდანაშაულო ადამიანია დაკავებული. ჩემი მხარდაჭერა ყველა პოლიტპატიმარს, აუცილებელია მათი დაუყოვნებლივ გათავისუფლება!“.
„რა მოხდა 4 ოქტომბერს - ოცნება ყოველთვის აღიზიანებდა ფრაზა, მშვიდობიანი დამხობა, ეს არის ჩვენი გასამართლების მიზეზი, უნდათ ეს ფრაზა მონათლონ, როგორც ძალადობრივი მოქმედება, მშვიდობიანი დამხობა შედგა თავისუფლების მოედანზე, ეროვნულ კრებაზე.
იმ პროვოკაციაზე პასუხი, რაც მოხდა სასახლესთან სჯობს ე.წ. მთავრობას მოჰკითხოთ, კობახიძეს ჰქონია ინფორმაცია და გვითხრას.
მეგობრებო, გიფიქრიათ, როცა საუბარია 4 ოქტომბერზე ე.წ. ხელისუფლება მხოლოდ ათონელის რეზიდენციასთან მომხდარზე საუბრობს და არ ახსეენებს იმას, რაც მოხდა თავისუფლების მოედანზე. იქ გაფორმდა ოცნების კრაზი და მათ ვერ მოახერხეს პროვოკაცია. 4 ოქტომბერს ყველანი ვიყავით მისული ეროვნულ კრებაზე და ასე ეწერა მოსაწვევებზეც, ჩემი ხელმოწერით.
ჩემი კარიერა და ცხოვრება საჯაროა... ყველამ იცის... მთელი ცხოვრება ქვეყნის სამსახურს ვეწეოდი.. ახლა წამიყენეს აბსურდული ბრალდება, რომ მე ძალადობისკენ მოვუწოდებდი ვინმეს.
4 ოქტომბერს შედგა ეროვნული კრება საქართველოს ისტორიაში პირველად და ამ კრებაზე ხალხმა გამოხატა ნება დაიცვას საქართველოს კონსტიტუცია..
რუსთაველზე იმ დღეს 250 000 კაცზე მეტი იმყოფებოდა, სოფელი არ დარჩენილა საიდანაც არ ჩამოვიდნენ, მათ შორის სამაჩაბლოდან, აფხაზეთიდან, ემიგრანტებიც ჩამოვიდნენ, კრებას ესწრებოდნენ ეთნიკური უმცირესობების წარმომადგენმლები..
ბევრს დაწყდა გული, რომ მიზანს ვერ მივაღწიეთ, ათონელის რეზიდენციათან ადგილი ჰქონდა პროვოკაციას.
... ჩვენ კი არ ვებრძვით, არამედ რუსი ოლიგარქის ბანდა ებრძვის ქართველ ხალხს".
ამის შემდეგ პაატა ბურჭულაძემ წაიკითხა იმ დეკლარაცის ტექსტი, რომელიც თავისუფლების მოედანზე ოთხ ოქტომბერს წაიკითხეს.
18:20 - პაატა ბურჭულაძე იწყებს საუბარს, აცხადებს, რომ იტყვის, რა მოხდა 4 ოქტომბერს, სინამდვილეში. ამ კომენტარის პასუხებში დაიწერება მისი სიტყვის დეტალები.
„ვიმეორებ, 4 ოქტომბრამდე ჩვენ ვაპროტესტებდით მათ არალეგიტიმურობას, სისასტიკეს, უკანონობას, ხოლო სახალხო კრების შემდეგ - უკვე ლეგიტიმურ ხალხის ხელისუფლებას ებრძვის ავაზაკთა ჯგუფი რომელიც მხოლოდ პოლიციის მოძალადე ნაწილის მეშვეობით არსებობს. 4 ოქტომბერს მხოლოდ აქცია კი არ გაიმართა, არამედ გაიმართა საქართველოს ეროვნული კრება და ყველასთვის საამაყოა, ვინც მიიღო ამ ისტორიულ მოვლენაში მონაწილეობა, სადაც საქართველოს ხმა მკაფიოდ გაისმა: თავისუფლება საქართველოს არჩევანია და თავისუფლება საქართველოს ბედისწერაა!“.
და, ბოლოს: მე არალეგიტიმური ხელისუფლების მიერ ფეხქვეშ გათელილი რამდენიმე უფლება ჩამოვთვალე. აქვე უნდა დავამატო, რომ ირღვევა სამართლიანი სასამართლოს უფლებაც. მე არ შეგაწყენთ თავს იმის ახსნით, რატომ არის ეს ასე - ეს თქვენ ჩემზე კარგად მოგეხსენებათ. უბრალოდ, მინდა, გითხრათ, ბატონო მოსამართლევ, რომ მე მესმის თქვენი მდგომარეობა და მე გპატიობთ.
- ჩემო თანამებრძოლებო, ჩემო ქართველებო, ვამაყობ რომ ვარ ერთ-ერთი თქვენგანი;
- 28 ნოემბერს და ყოველთვის როცა საჭირო იქნება ყველა რუსთაველზე;
- ბრძოლა ჩვენი ქვეყნის თავისუფლებამდე - ბოლომდე.“.
„4 ოქტომბერი საქართველოს ისტორიაში ჩაიწერება არა როგორც ოცნების ე. წ. არჩევნების დღე, არამედ, რეალურად, მათი „გადარჩევნების“ დღე.
ზოგიერთი გაყიდული ან უგნური პოლიტიკოსი ცდილობს ამ დღის დაკნინებას. რეალურად კი, ჩვენ დავინახეთ, რომ გვყავს უამრავი პატრიოტი, გულანთებული ადამიანი. სამწუხაროდ მოღალატეებიც საკმარისად გვყოლია“.
„ვთხოვ ყველა მონაწილეს, როგორც კი ოლიგარქის მონები ათონელის პროვოკაციას მოიხსენიებენ არშემდგარ რევოლუციად, ყოველთვის ვუპასუხოთ რომ მთავარი მოვლენა ამ დღეს იყო ის, რაც მოხდა რუსთაველის გამზირსა და თავისუფლების მოედანზე - სადაც ქართველმა ხალხმა ქოცები ხელისულფებიდან გადააყენა - საკადრისად უპასუხა მათ არალეგიტიმურობას“.
„ეს იყო მაქსიმუმი რაც შეძლო ხუნტამ, რომ ხელი შეეშალა ეროვნული კრებისთვის. მათ ასვე აურიეს ნავიგაციის სისტემა - რუსთაველის გამზირს აჩვენებდა, როგორც თბილისის აეროპორტს და პირიქით. ეს, სავარაუდოდ, არამარტო ხალხის შეკრების, არამედ ქვეყნის უსაფრთხოების წინააღმდეგ, ჩადენილი დივერსიაა, რომელსაც, აუცილებლად, მომავალში უნდა გაეცეს პასუხი“.
„ქუჩაში იმაზე მეტი ხალხი იდგა, ვიდრე რუსულ სპეცოპერაციაზე, ე. წ. არჩევნებზე მივიდა. ოთხმა ოქტომბერმა დაგვარწმუნა, რომ დიდი უმრავლესობა ვართ და ვხედავთ ჩვენს ძლიერებას - საქართველოს ძლიერებას. ძლიერება ხალხშია, თავისუფალ ადამიანებში და არა იარაღში, ხელკეტებში ან წიწაკის სპრეის რაოდენობაში. ამ დღეს საქართველოს ე. წ. მთავრობის არალეგიტიმურობა გაფორმდა და ეს გააკეთა ქართველმა ხალხმა, ძალაუფლების წყარომ".
„4 ოქტომბერი - ეს დღე ჩავარდნის დღე კი არ არის, არამედ ერთიანობის, საზოგადოების მიერ ძალაუფლების მშვიდობიანად, ლეგიტიმურად ხელში აღების, გასაჭირში ერთად დგომის დღეა. ეს არის გამარჯვების დღე ბოროტებაზე.
დააკვირდით, ძალიან უცნაურია, რომ არავის გვინახავს, პროტესტის ისტორიაში პირველად, დრონის სრულყოფილი კადრი, თუ რამდენი ადამიანი ესწრებოდა სახალხო კრებას. ხალხის რაოდენობის პიკი იყო დაახლოებით 19:00 საათზე და ადგილზე იმყოფებოდა დაახლოებით 250 000 ადამიანი;
თუმცა შემდგომაც უამრავი ადამიანი გვიერთდებოდა. ალბათ ყველასთვის ცნობილია, რომ ამ დღეს საეჭვოდ “დაიკარგა” დრონები. რა თქმა უნდა, სპეცსამსახურებმა ჩამოაგდეს სამი მედიასაშუალების დრონი: ნეტგაზეთის, პროექტი 64-ისა და გამოცემისა “მაუწყებელი”.
აქედან ნაპოვნია მხოლოდ 1 დრონი და მას ამოცლილი ჰქონდა მეხსიერების ბარათი. ზემოაღნიშნულ საკითხზე ობიექტური სტატია გამოაქვეყნა რადიო თავისუფლებამ და კარგი იქნება თუ მას საზოგადოება გაეცნობა. უზურპატორი პარტიის მიზანი იყო, რომ არ დაგვენახა რეალური სურათი, არ დაგვენახა ერთმანეთი, რადგან ვიყავით ძალიან ბევრნი“.
„4 ოქტომბერს ჩემი წარმოთქმული სიტყვა არ შეიცავდა ძალადობის ან ძალადობისკენ მოწოდების ნასახსაც კი. ამის დასტურია ის რომ ჩვენ ყველანი იქ ვიყავით შვილებთან და შვილიშვილებთან ერთად. ყველაფერი, რასაც ვაკეთებდით, ემსახურებოდა მხოლოდ და მხოლოდ მშვიდობიან გამოხატვას, რაც არის ჩვენი კონსტიტუციური უფლება“.
„ჩემი მიზანი იყო ის, რაც ჩემი მიზანია დღესაც - საქართველოში დემოკრატიული მმართველობის დამყარება, ხელისუფლების ცვლილება, ქართველი ხალხისგან მოტაცებული, წართმეული უფლებებისა და უფლებამოსილებების ხალხისთვის დაბრუნება“.
18:12 - მოსამართლე შვანგირაძემ არ დააკმაყოფილა დაცვის მხარის მოთხოვნა, დასაკითხ პირთა სიაში შეიყვანონ ირაკლი კობახიძე და ლევან იოსელიანი
„მოწმის გამოკითხვის საფუძველია მისი დაკითხვის ოქმი, სასამართლოს ასეთი არაფერი გადასცემია... არ არსებობს ლევან იოსელიანის და ირაკლი კობახიძის დაკითხვის საფუძველი, დაცვის მხარეს ლევან იოსელიანი დაკითხულიც კი არ ჰყავს“, - თქვა მოსამართლემ.
მოსამართლემ არც ვიდეოჩანაწერი დაურთო საქმეს, რომელიც თბილისის მთავარ სამმართველოში აქტივისტების, მათ შორის მომღერალ უცნობის სავარაუდო შეჭრას ასახავდა.
ფორუმი