დაცვის მხარის არგუმენტი #13 - დაცვის მხარის მიერ წარმოდგენილი მტკიცებულება - დათვალიერების ოქმი და ვიდეო, რომელიც აქციებზეა გადაღებული, სადაც ჩანს ანდრო ჭიჭინაძეს, როგორ გამოჰყავს ხალხი აქციაზე სამართალდამცავების თავდასხმის დროს და როგორ ცდილობს მათ დაცვას.
„ვიდეოში ასევე ჩანს, მაშინაც კი, ზურგით მდგომ ანდროს როგორ ურტყამს სამართალდამცავი ფარს, მაგრამ მაშინაც კი ანდრო სიმშვიდისკენ მოუწოდებს ყველას, მათ შორის, იმ სამართალდამცავს" - ამბობს ადვოკატი დასკვნით სიტყვაში.
დაცვის მხარის არგუმენტი #14 - ადვოკატი, ეკა ბესელია მოიხმობს სასამართლო მეგობრის პოზიციას, რომელიც მისი თქმით, ადასტურებს, რომ წარდგენილი ბრალდება ჯგუფურ ძალადობრივ ქმედებებში მოანწილეობის არც ერთი ნიშანი არ არსებობს ამ საქმეში.
მეთხუთმეტე არგუმენტზე საუბრისას, ეკა ბესელია ბრალდების შინაარს აანალიზებს და მსჯელობს, რამდენად სწორია კვალიფიკაცია, ან ის, რასაც ედავებიან, შეესაბამება თუ არა ბრალდების შინაარს.
ის მოიხმობს ადგილობრივ და საერთაშორისო პრაქტიკას და ამბობს:
„სისხლის სამართლში იშვიათი გამონაკლისის გარდა, პირი პასუხს მხოლოდ საკუთარი ქმედების გამო აგებს. კოლექტიურ პასუხისმგებლობას ცივილიზებული სამართლის სისტემები არ იცნობს. როდესაც ადგილი აქვს ჯგუფურ დანაშაულს, ყოველი ბრალდებულის მიმართ მკაფიოდ უნდა იქნეს დადგენილი მისი პირადი როლი და ფუნქცია ჯგუფურ ქმედებაში.[ ე.წ „ჯგუფური ძალადობის“ პოლიტიკურად მოტივირებული საქმე პროტესტის 8 მონაწილის წინააღმდეგ - საერთაშორისო გამჭვირვალობა - საქართველო]", - ამბობს ბესელია.
საქართველოს უზენაესი სასამართლოს ჩამოყალიბებული პრაქტიკის თანახმად, სისხლის სამართლის კოდექსის 225-ე მუხლით გათვალისწინებული დანაშაულის „ჯგუფური ძალადობის ორგანიზების, ხელმძღვანელობისა და მასში მონაწილეობის“ შემადგენლობის აუცილებელი ელემენტია წინასწარ ორგანიზებული ჯგუფური მოქმედება. სპონტანურად განხორციელებული ერთობლივი მოქმედება საკმარისი არ არის, რომ ქმედების შემადგენლობა სახეზე იყოს.[ ე.წ „ჯგუფური ძალადობის“ პოლიტიკურად მოტივირებული საქმე პროტესტის 8 მონაწილის წინააღმდეგ - საერთაშორისო გამჭვირვალობა - საქართველო]
ფორუმი