მეორე ვიდეომტკიცებულება ზვიად ცეცხლაძის ინტერვიუა პირდაპირ ეთერში, ტელეკომპანია მთავარ არხთან. ის სატელევიზიო კომენტარში რუსთაველზე მიმდინარე მოვლენებს აფასებს.
„ბოლომე უნდა მივიყვანოთ საქმე ბრძოლით, კიდევ ბევრი დარბევა იქნება და ამათი დარბევაც მალე იქნება", - ამბობს საჯარო ინტერვიუში ზვიად ცეცხლაძე.
ამის შემდეგ ზვიად ცეცხლაძე ამბობს, რომ თსუ-ს ადმინისტრაციას შეუთანხმდნენ და სტუდენტებს შეუძლიათ იქ თავი შეაფარონ. კარი ღია იქნება.
„სახელმწიფო დაუმორჩილებლობაზე ლექციას ვატარებს, რეჟიმის მიერ ოკუპირებულ უნივერსიტეტში და გელით გველას", - ამბობს ზვიად ცეცხლაძე ვიდეოში და ამატებს, „როგორ ვიბრძვით და რას ვაკეთებთ იმაზეა ლექცია და გაგვეხარდება თუ მოხვალთ".
მესამე ვიდეომტკიცებულებაც რუსთაველზეა გადაღებული. ზვიად ცეცხლაძე ასწავლის დაინტერესებულებს, როგორ დაამზადონ სახელდახელოდ ფარები, პოლიციისგან თავის დასაცავად.
მესამე ვიდეომტკიცებულებაც რუსთაველზეა გადაღებული. ზვიად ცეცხლაძე ასწავლის დაინტერესებულებს, როგორ დაამზადონ სახელდახელოდ ფარები, პოლიციისგან თავის დასაცავად.
განცხადებას აკეთებს დავით ჭიკაიძე. მისი თქმით, ლექციაზე, რომელიც ახსენა ზვიად ცეცხლაძემ შემაჯამებელ სიტყვაში აუცილებლად ისაუბრებს. ამასთან ამატებს, რომ განმარტებებს ლექციაზე და დაუმორჩილებლობაზე თავად ბრალდებულიც გააკეთებს.
„რაც შეეხება ფარს, ის არის თავდაცვის საშუალება, ფარს და აბჯარს ისტორიიდან ვიცით რისთვის იყენებდნენ, მოსაგერიებლად", - ამბობს დავით ჭიკაიძე.
ზვიად ცეცხლაძის განცხადება მის წინააღმდეგ ვიდეომტკიცებულებების ნახვის შემდეგ:
„ლექცია საჯაროდ ჩატარდა და თქვენ შეგიძლიათ დღესაც ნახოთ. რაც შეეხება ფარის აქცია, ის იყო საჯარო და დადებული იყო სახელწოდებით „ფარით ან ფარზე“. პოლიციით ვიყავით გარშემორტყმულები, იქ რომ რაიმე უკანონო გაგვეკეთებინა მოახდენენ რეაგირებას. ამ ვიდეოს, რაც ახლა ნახეთ ზევიდან აწერია 9-გრამიანი ტყვია ჭირდებათ ამასო და ამაზე რაიმე რეაგირება მოახდინეთ, ან მუქარის კვალი ხომ არ დაინახეთ?", - კითხულობს ზვიად ცეცხლაძე.
ზვიად ცეცხლაძის წინააღმდეგ უხმო ვიდეომტკიცებულების პრობლემა პროკურორებმა ვერ გადაჭრეს. სასამართლომ უხმო ვიდეო გამოიკვლია.
ფორუმი