13:53 - ექიმი ამბობს, რომ ტკივილი განისაზღვრება ობიექტური და სუბიექტური აღქმებით: სუბიექტურია, როცა პაციენტი შკალის მიხედვით აფასებს, რამდენად მტკივნეულია მისთვის. ობიექტური აღქმაა, როცა ტკივილს ახლავს ცრემლი, შეყვირება, ტემპერატურა და ა.შ.
„იმდენად ეტკინა, რომ გაფითრდა; იმდენად ეტკინა, რომ რამდენიმე დღეში გაყვითლდა. შესაძლოა ადამიანს უნდოდეს ცრემლის შეკავება, თუმცა ვერ შეძლოს, გონების კარგვა, ხელის მოკიდება დაზიანებულ ადგილზე“, - ამბობს მოწმე ნათია ხარატი.
მისი თქმით, სუბიექტური აღქმებით ტკივილის განსაზღვრა არასწორია, რადგან შესაძლოა დანიშნულმა მედიკამენტმა პაციენტს ზიანი მიაყენოს.
13:50 - მაია მწარიაშვილმა იკითხა, ირაკლი დგებუაძის შემთხვევაში რომელი სახის ტკივილთან გვაქვს საქმე.
“ამ შემთხვევაში ჩემთვის რთულია ტკივილის რომელიმე განსაზღვრება... მწვავე ტკივილი ყოველთვის გამოისახება, მით უფრო სახეზე. მოტორული აქტივობა - სახე უნდა შეცვლილიყო“, - უპასუხა მოწმემ.
13:45 - მოწმე აგრძელებს თხრობას: „შესაძლოა ადამიანი დაიბადოს ტკივილის აღქმის გარეშე, თუმცა ეს არ არის კარგი. ტკივილის აღქმა მნიშვნელოვანია, რადგან ის საფრთხეზე მიგვანიშნებს - მაგალითად, როცა კუჭი ასტკივდება ადამიანს რამდენჯერმე, ეს ნიშნავს, რომ საფრთხეა მოსალოდნელი...
ტკივილებს ვყოფთ რამდენიმე კატეგორიად: მწვავედ, რომელიც გვაფრთხილებს მოსალოდნელ საფრთხეზე, ქრონიკული - რომელიც უფრო რთულია, როცა ნერვია დაზიანებული და ასევე, ფსიქოგენური, რომელიც მენტალურ ჯანმრთელობას უკავშირდება. ეს სიმულაციისგან განსხვავდება, რასაც კავშირი არ აქვს ფსიქოგენურ ტკივილთან“.
13:40 - მაია მწარიაშვილი კითხულობს ნათია ხარატის ექსპერტულ დასკვნას, რომელიც მომზადდა ირაკლი დგებუაძისთვის სილის გაწვნის ვიდეოკადრებზე დაყრდნობით. მასში დასკვნის სახით წერია: „შეუძლებელია იმის მტკიცება, რომ ირაკლი დგებუაძემ განიცადა ტკივილი“.
ნათია ხარატი დამატებით განმარტავს, რომ ტკივილს აუცილებლად აქვს ადამიანში გარეგნული გამოხატულება: სიწითლე, მოძრაობის შეფერხება, „ბევრი რამ განსაზღვრავს ტკივილის აღქმას, თუმცა მსგავსი ნიშანი არ გამოვლენილა“.
მისი თქმით, მან დასკვნის მომზადებაში გამოიყენა ტკივილის საერთაშორისო ასოციაციის მიერ ტკივილის შესახებ გაკეთებული განმარტება: „ტკივილი არის არასასიამოვნო განცდა, რომელიც დაკავშირებული სხეულის რეალურ ან პოტენციურ საფრთხესთან. ამ შემთხვევაში არ გვაქვს დაზიანება.
მაგალითად, როცა წავიქცევით და მუხლს ვიტკენთ, შეიძლება მაშინ არ ჩანდეს დაზიანება, თუმცა რამდენიმე საათში გამოჩნდეს დალურჯება, დაჩირქდეს და ა.შ. ესაა პოტენციური საფრთხე“.
ფორუმი