ახლა იკვლევენ ვიდეოს, სადაც ისმის პოლიციელების ხმა: „შეასხით, მოკალით“. ეს ვიდეო პროკურატურის მტკიცებულებაა. მათ ეს კადრები მოიტანეს ონისე ცხადაძის წინააღმდეგ. მთელი ვიდეოს განმავლობაში ისმის პოლიციელების გინება და შეურაცხმყოფელი გამონათქვამები.
ადვოკატი ომარ ფურცელაძე აკეთებს კომენტარს:
„ამ ვიდეოში პოლიცია მინიმუმ ორჯერ მოკვლით ემუქრება, სავარაუდოდ, ონისე ცხადაძეს".
პროკურორი პასუხობს:
„ამ ვიდეოში ჩანს, როგორ ისვრის ნივთს ონისე ცხადაძე“.
ბრაზობენ ბრალდებულები...„იძულებულს გვხდით შეურაცხყოფა მოგაყენოთ“.
ბრალდებულები იცინიან. „სასაცილოა აბა რა არისო“, - ამბობენ ბრალდებულები. აჩერებს მოსამართლე და „პატივისცემაო“ მოუწოდებს.
„სასაცილოა აბა რა არის, ვიდეოს ვიკვლევთ და ამ ვიდეოს გარშემო უნდა ვისაუბროთ, სამომავლო ვიდეოებზე კი არა".
დგება ლუკა ჯაბუას ადვოკატი, რუსუდან აგურაშვილი, მიდის ტელევიზორთან და მოითხოვს ჩაირთოს ვიდეო თავიდან.
ადვოკატი ხელით აჩვენებს, სავარაუდოდ, სად დგას პოლიცია და შემდეგ აჩვენებს კადრში, რომ ლუკა ჯაბუას ხელი სხვა მიმართულებითაა.
პროკურორები რთავენ მორიგ ვიდეოს და ამბობენ, რომ „აქ ჩანს, როგორ ისვრის ლუკა ჯაბუა“.
ადვოკატი რუსუდან აგურაშვილი ითხოვს პროკურორმა აღწეროს, რა ჩანს ვიდეოზე, რომელიც რამდენიმეწამიანია და კითხულობს:
- პოლიცია სად დგას?
- სხვა ვიდეოებიც არის
- ამ ვიდეოს ვიკვლევთ, სადაა პოლიცია ამ ვიდეოზე?
- სხვა ვიდეოც არის
- სხვა ვიდეოს ხომ არ ვიკვლევთ, პოლიცია სად არის?
- ბრალდებას სხვა ვიდეოებიც აქვს წარმოდგენილი, სადაც პოლიციაა და იმ ვიდეოებსაც გამოვიკვლევთ თუ დაგვაცდით
- ამ ვიდეოზე ჩანს პოლიცია?
- ოპერატორი იღებს , რომლისგანაც გამოვითხოვეთ ეს კადრები და მის უკან დგას კორდონი
და ეს ჩანს სხვა ვიდეოებში.
- კიდევ ჩართეთ, რა მიმართულებით ისვრის ლუკა ჯაბუა?...
ფორუმი