„სახლმა დეფორმაცია მიიღო, ორ შვილთან და ბებიასთან ერთად ვარ მარტო“ - ამბობს ლიკა მამალაძე გურიის სოფელ ხიდისთავიდან
„ჩვენც გვითხრან, როდის და სად ჩაერთვება სამაშველო ოპერაციაში ჯარი“ - გურია დიდთოვლობას ებრძვის
დიდთოვლობას ებრძვის გურიის სოფლების მოსახლეობა. სოციალურ ქსელში ახლაც ვრცელდება იმ ადამიანების პოსტები, რომლებიც საკუთარი ძალებით ცდილობენ, გაუმკლავდნენ დასავლეთ საქართველოში მოსულ ნალექს. გურიაში ამ წუთებშიც გადაუღებლად თოვს.
მამათი, შუხუთი, აკეთი, ჩოჩხათი, გულიანი, მოედანი, ხორეთი, შრომა, ოდილაური, აცანა, არჩეული, ლესა, კოხნარი, ზომლეთი, ზენობანი, ნაგომარი, ხიდისთავი, ნატანები, ამაღლება, ორმეთი, ჯუმათი, შემოქმედი, კონჭკათი - ეს იმ სოფლების არასრული ჩამონათვალია, რომლებიც გარე სამყაროსაა მოწყვეტილი და მოსახლეობის ნაწილი ელექტროენერგიისა და საკვების გარეშეა დარჩენილი.
ნინო შავაძე ნასაკირალში 68 წლის მამამთილთან და 16 წლის შვილთან ერთად ცხოვრობს. ბოლო ხუთი დღეა, არც ელექტროენერგია აქვთ და არც წყალი.
რადიო თავისუფლებას ეუბნება, რომ ბიჭს ჯანმრთელობის პრობლემები აქვს და სასწრაფოს გამოძახება რომ დასჭირდეთ, ვერავინ დაეხმარებათ.
რამდენიმე დღეა, თითქმის მთელ საქართველოში შეუჩერებლად თოვს, პროგნოზით კი უამინდობა კიდევ რამდენიმე დღე გაგრძელდება. რადიო თავისუფლებამ კავკასიის გარემოსდაცვითი არასამთავრობო ორგანიზაციების ქსელზე დაყრდნობით (CENN) რამდენიმე რეკომენდაციას მოუყარა თავი:
"მდგომარეობა არის რთული. სოფლების ძალიან დიდი ნაწილი მოწყვეტილი არის გარე სამყაროს, ვერ მყარდება კომუნიკაცია სოფლების მნიშვნელოვან ნაწილთან, ამ კუთხით არის ძალიან ბევრი სამუშაო, ამისთვის ტექნიკა იქნება მობილიზებული იმისათვის, რომ მაქსიმალურად აღდგეს კავშირი კონკრეტულ სოფლებთან და ამაზე უკვე ამ მომენტიდან განახლდება აქტიური მუშაობა, ასევე დაგვჭირდება მარაგების მობილიზება, როგორც მედიკამენტების ნაწილში, ასევე სურსათისა და შეშის ნაწილში - გათბობისთვის და ამასთან დაკავშირებითაც ვიმუშავებთ კონკრეტული გეგმით.
მთლიანობაში, გეგმა არსებობს, ვითარება რთულია, გამოწვევა არის ძალიან ბევრი, თუმცა ყველაფერი გაკეთდება იმისათვის, რომ მაქსიმალურად ვიმუშაოთ ყველა პრობლემის გადაჭრაზე", - თქვა კობახიძემ.
ფორუმი