რიკოთის უღელტეხილზე, სადაც გასულ ღამით ზვავი ჩამოწვა, საავტომობილო მოძრაობა აღდგა. ამის შესახებ საავტომობილო გზების დეპარტამენტი იუწყება.
დროის გასვლასთან ერთად ვითარება მძიმდება: არის ცნობები მსხვერპლის შესახებ, არაერთი სოფელი გარე სამყაროსაა მოწყვეტილი, დანგრეული და დაზიანებულია შენობები, შეწყვეტილია ენერგომომარაგება და მოსახლეობის ნაწილს საკვების მარაგი ამოეწურა.
საქართველოს რკინიგზა უამინდობის გამო 15 რეისს აუქმებს. გაუქმებული რეისები თბილისიდან, ბათუმიდან და ქუთაისიდან 26, 27 და 28 თებერვალს უნდა შესრულებულიყო.
უქმდება:
26 თებერვალი:
- № 804 თბილისი-ბათუმი;
- №801 ბათუმი-თბილისი;
- №869 ზუგდიდი-თბილისი;
- №874 თბილისი-ფოთი;
- №617 ბორჯომი-თბილისი;
- №686 თბილისი-ბორჯომი.
27-28 თებერვალი:
- № 854 თბილისი-ოზურგეთი;
- № 853 ოზურგეთი-თბილისი;
- № 6355/6356 ქუთაისი-რიონი;
- № 6353/6354 ქუთაისი-რიონი;
- № 682/681 ქუთაისი-ბათუმი;
- № 684/683 ქუთაისი-ბათუმი;
- № 613/614 ბათუმი-ოზურგეთი;
- №618/617 თბილისი-ბორჯომი;
- №685 ბორჯომი-თბილისი.
რკინიგზა მგზავრებს გაუქმებული რეისების ბილეთების ანაზღაურებას ჰპირდება.
უამინდობის გამო რკინიგზამ რეისები გააუქმა 25 თებერვალსაც.
იმერეთში სახელმწიფო რწმუნებულის, ლევან ზალკალიანის განცხადების თანახმად, 26 თებერვლის შუადღისთვის იმერეთის მხარეში „ჩაკეტილია“ - გარე სამყაროს მოწყვეტილია - 149 სოფელი.
„ამ წუთის მდგომარეობით, ჩაკეტილია 149 სოფელი, ელექტროენერგია არ მიეწოდება 30 000-მდე აბონენტს, ასევე, შეწყვეტილია ბუნებრივი გაზის მიწოდება 237 აბონენტისთვის“, - განაცხადა ლევან ზალკალიანმა „რუსთავი 2-თან“ საუბრისას.
მისი თქმით, არის „გარკვეული მუნიციპალიტეტები“, სადაც დროებით შეჩერებულია სასწავლო პროცესი სკოლებსა და ბაღებში“.
ზალკალიანის განცხადებითვე, დილიდან მუშაობს 148 ერთეული ტექნიკა, რომლებიც წმენდდნენ ქალაქის, ასევე, სოფლამდე მისასვლელ გზებს.
ფორუმი