საქართველოში პირველი კინემატოგრაფიული სეანსი ჩატარდა სათავადაზნაურო თეატრში 1897 წლის 16 ნოემბერს, უძველესი კინოთეატრი კი 1909 წელს აშენებული „აპოლოა“, რომელიც კერძო კომპანიის საკუთრებაა და პირვანდელი დანიშნულებით აღარ ფუნქციობს. „აპოლოს“ ბედი გაიზიარა ათობით სხვა კინოთეატრმა, რომლებსაც ჯერ სს „ქართული ფილმი“, ხოლო შემდეგ ეკონომიკის სამინისტრო განკარგავდა. დღეს საქართველოში დაახლოებით იმდენივე კინოთეატრია, რამდენიც გასული საუკუნის დასაწყისში იყო.