მოქალაქეთა ნაწილს მოკლე ტექსტური შეტყობინებით დაეგზავნა ინფორმაცია, თითქოს ახალ კორონავირუსთან დაკავშირებით, მთელი ქვეყნის საკარანტინე ზონად გამოცხადება იგეგმება, - იტყობინება საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტრო. ის ხაზგასმით აღნიშნავს, რომ აღნიშნული ინფორმაცია არ შეესაბამება სიმართლეს და კარანტინის გამოცხადება ამ ეტაპზე არ იგეგმება. ჯანდაცვის სამინისტრო კიდევ ერთხელ მოუწოდებს მოსახლეობას, გაითვალისწინონ მსოფლიოში და ქვეყანაში არსებული მდგომარეობა და გამოიჩინონ მაღალი სამოქალაქო პასუხიმგებლობა.
კორონავირუსი ჰაერში არ დაფრინავს - კიდევ რა ვიცით და არ ვიცით
- ბევრს ჰგონია, რომ კორონავირუსის ინფექცია შეიძლება ქუჩაში სიარულისას, ჰაერიდან შეგვეყაროს. ეს ასე არ არის.
- კორონავირუსს ვერ დავამარცხებთ 95%-იანი სპირტით და პირიქით - სიცოცხლეს შევუნარჩუნებთ მას;
- ყველა, ვისაც ახველებს, კორონავირუსით ინფიცირებული არ არის.
რადიო თავისუფლება გთავაზობთ დასაბუთებულ სიმართლეს ექიმების განმარტებებზე და საერთაშორისო ორგანიზაციების (WHO, CDC) რეკომენდაციებზე დაყრდნობით.
როგორ იცავს პერსონალი კორონავირუსისგან დაცვის წესებს?
მომსახურების სფეროს სხვა ობიექტებისა და მათი პერსონალისთვის კონკრეტული რეკომენდაციები ან შეზღუდვები მთავრობას ჯერ არ გამოუცხადებია.
საქართველში კორონავირუსის 34-ე შემთხვევა დაფიქსირდა. როგორც ინფექციური საავადმყოფოს სამედიცინო დირექტორმა, მარინა ეზუგბაიამ განმარტა, ეს პაციენტი მანამდე კორონავირუსით ინფიცირებული სამი პაციენტის "კონტაქტია".