რუსეთის უკრაინაში შეჭრის გასაპროტესტებლად წლების განმავლობაში მსოფლიოს მასშტაბით რუსეთის საელჩოებთან ხელოვნება, ზოგიერთ შემთხვევაში კი ვანდალიზმი გამოიყენეს.
როგორ ტროლავდნენ რუსეთის საელჩოებს 2022 წელს უკრაინაში შეჭრის შემდეგ
რუსეთის უკრაინაში სრულმასშტაბიანი შეჭრის შემდეგ რიგამ დააქვეითა დიპლომატიური ურთიერთობები მოსკოვთან. რუსეთის პრეზიდენტ ვლადიმირ პუტინის თავის ქალის გამოსახულება ლატვიის დედაქალაქში რუსეთის საელჩოს მოპირდაპირე მხარეს მდებარე შენობაზე, გადაღებულია 2023 წლის იანვარში.
ლონდონში, რუსეთის საელჩოს წინ ქუჩა აქტივისტებმა უკრაინის დროშის ფერებში შეღებეს უკრაინაში შეჭრის ერთი წლისთავის გასაპროტესტებლად. 2023 წლის თებერვალი.
„პუტინო, ჰააგა გელოდება“ - რუსეთის პრეზიდენტისადმი მიძღვნილი წარწერა ვილნიუსში, ლიეტუვაში, რუსეთის საელჩოს წინ. გადაღებულია 2022 წლის თებერვალში.
იან სლოვენჩიკის საპროტესტო ქანდაკება პრაღაში, ჩეხეთში, რუსეთის საელჩოს წინ მდებარე პარკში. გადაღებულია 2025 წლის ოქტომბერში.
პრაღაში, რუსეთის საელჩოს წინ (ჩანს ზედა მარცხენა კუთხეში), 2022 წლის აპრილში დაამონტაჟეს ქუჩის სახელწოდების აღმნიშვნელი ნიშანი. მას უკრაინელი გმირების ქუჩა ეწოდა.
მამაკაცი შლის უკრაინის დროშის ფერების საღებავებს, ვაშინგტონში, რუსეთის საელჩოს წინ, 2025 წლის აგვისტოში. ქუჩა შეღებეს ალასკაში ტრამპ-პუტინის წარუმატებელი მოლაპარაკებების წინ, რომელიც ომის დასრულებისკენ იყო მიმართული.
რუსული აგრესიის მსხვერპლთა გამზირის აღმნიშვნელი ნიშანი, ვარშავაში, პოლონეთში, რუსეთის საელჩოს წინ დააყენეს 2022 წლის ნოემბერში.
პუტინის მუყაოს კარიკატურა, სადაც ის ნაცისტური გერმანიის ლიდერად - ადოლფ ჰიტლერად არის გამოსახული, რუსეთის საელჩოს წინ კაპარაში, მალტა, 2022 წლის მარტი.
პუტინის გამოსახულება, რომელიც უკრაინელების სისხლში ბანაობს ბერლინში, რუსეთის საელჩოს წინ, 2024 წლის მარტი, რუსეთში საპრეზიდენტო არჩევნების ბოლო დღეს.
უკრაინაში ბრძოლების დროს დაზიანებული რუსული T-72 ტანკი ბერლინში, რუსეთის საელჩოს წინ. გადაღებულია 2023 წლის თებერვალში, ომის დაწყების პირველ წლისთავზე.
ვილნიუსის მერის გზავნილი კრემლს - საგზაო ნიშანს აყენებენ ვილნიუსში, ლიეტუვაში, რუსეთის საელჩოსთან მიმავალ გზაზე (ჩანს უკანა ფონზე) 2022 წლის მარტში. ქუჩას უკრაინელი გმირების სახელი მიენიჭა.
უკრაინის პრეზიდენტის, ვოლოდიმირ ზელენსკის გამოსახულება პროეცირებულია რუსეთის საელჩოზე კოპენჰაგენში, დანია. 2023 წლის თებერვალი.
ბერლინში, რუსეთის საელჩოსთან ახლოს დამონტაჟებული მგლების რამდენიმე ქანდაკებიდან ერთ-ერთი.
აბრაზე წარწერაა: „ძვირფასო ბატონო პუტინ, თქვენს წინ სარკეს გიდგამთ. რას ხედავთ? ეს აგრესიული ურჩხულები პუშკინის, ტოლსტოისა და ჩაიკოვსკის ერს უნდა წარმოადგენდნენ?“ საპროტესტო ნამუშევარი 2022 წლის აპრილში დაიდგა.
აქტივისტებმა იტალიის დედაქალაქ რომში, რუსეთის საელჩოს წინ, 2024 წლის მარტში, რუსი ოპოზიციონერი ლიდერის, ალექსეი ნავალნის გარდაცვალების შემდეგ, ქუჩის იმიტირებული ნიშანი განათავსეს.
წარწერა უკრაინულ ენაზე - „დიდება უკრაინას“, ვარშავაში, პოლონეთში, რუსეთის საელჩოს წინ. გადაღებულია 2022 წლის აპრილში.
რუსეთმა, ასევე დატროლა დასავლეთის საელჩოები.
პოსტერზე გამოსახულია ადამიანის ხელი უკრაინის დროშის ფერებში (მარჯვნივ), რომელიც ხელბორკილებით არის მიბმული სხვა ხელზე, რომელსაც უჭირავს ამერიკული „Desert Eagle“-ის პისტოლეტი წარწერით „გაათავისუფლეთ „მონა“ ვალდებულებებისგან!“, აშშ-ის საელჩოს წინ, მოსკოვში, რუსეთი, 2024 წლის 26 ივნისი.