„ძალზე მადლიერი ვიქნებოდით მოკავშირეთა მხრიდან ახალი შენატანებისთვის, რათა უკრაინამ დაუბრკოლებლად შეძლოს შეიარაღების მიღება PURL-ის გზით,” თქვა ჰეტმანჩუკმა.
როგორც ელჩმა აღნიშნა, სამშვიდობო დარეგულირების თაობაზე მოლაპარაკებები „არ უნდა იქნეს აღქმული, როგორც იმის სიგნალი, რომ უნდა შეწყდეს უკრაინის დახმარება და რუსეთზე ზეწოლა“.
ინიციატივა PURL („უკრაინის პრიორიტეტული საჭიროებების სია“) ნატოს წევრ ქვეყნებს საშუალებას აძლევს, კიევისთვის აშშ-ისგან შეისყიდოს შეიარაღება.
ჰეტმანჩუკის თქმით, პროგრამა ძალზე ეფექტიანად მუშაობს: მან დაფარა Patriot-ების შეძენისთვის საჭირო დაფინანსების 75% და სხვა საჰაერო თავდაცვის სისტემების დაფინანსების 90%.
კანადამ, გერმანიამ, ნიდერლანდმა, სკანდინავიისა და ბალტიის ქვეყნებმა 2,5 მილიარდი ევრო გამოყვეს PURL-ისთვის, მას შემდეგ რაც ის შეიქმნა წელს ზაფხულში.
ასევე ნახეთ მაკრონმა და ზელენსკიმ მოკავშირეებთან ითათბირეს სამშვიდობო გეგმაზე ასევე ნახეთ “მტერი უნდა გამოფიტო, თუნდაც ალყაში იყო მოქცეული” - უკრაინული არმიის ბრიტანელი ვეტერანი შონ პინერი