ერდოანმა რუსეთსა და აზერბაიჯანს თავშეკავებისკენ მოუწოდა

5 ივლისს აზერბაიჯანიდან, ყარაბაღიდან თურქეთში დაბრუნებისას ეროდანმა ხაზი გაუსვა თურქეთის მჭიდრო კავშირებს ორივე ქვეყანასთან.

მისი თქმით, ანკარის უდიდესი სურვილია, რომ „სამწუხარო ინციდენტებმა“ არ გამოიწვიოს „გამოუსწორებელი ზიანი“ მოსკოვ-ბაქოს ურთიერთობებში.

მან ასევე განაცხადა, რომ ორივე ქვეყანას აქვს საკმარისი „სიბრძნე“ პრობლემის გადასაჭრელად და რომ თურქეთი „გააგრძელებს კონსტრუქციული ნაბიჯების მხარდაჭერას“ პრობლემის გადასაჭრელად.

თურქული მედიის თანახმად, ერდოანმა ასევე ხაზი გაუსვა თურქეთის ერთგულებას საკითხის „დიპლომატიური გზით გადაჭრის მიმართ“ და ხაზი გაუსვა, რომ „აზერბაიჯანის პრეზიდენტი ილჰამ ალიევი ფრთხილ და მოზომილ ნაბიჯებს დგამს“.

ბოლო პერიოდში აზერბაიჯანსა და მოსკოვს შორის ურთიერთობები დაძაბულია.

აზერბაიჯანმა ეკატერინბურგში ჩატარებულ სპეცოპერაციას, რომლის შედეგადაც ორი აზერბაიჯანელი დაიღუპა, მკაცრი განცხადების გარდა, ასევე უპასუხა რუსული სამთავრობო პროპაგანდისტული Sputnik-ის დახურვითა და იქ მომუშავე „ФСБ-ს ორი აგენტის“ დაკავებით.

ექსპერტთა თქმით, ბაქოს მკაცრი რეაქცია მასშტაბური გეოპოლიტიკური ცვლილებების შედეგია.