უკრაინის საგანგებო სიტუაციების სამსახურის ინფორმაციით, დრონებით დარტყმის შედეგად ხანძარმა მოიცვა 4-სართულიანი სახლი და 23-სართულიანი საცხოვრებელი კორპუსის მე-18, მე-19 და 20-ე სართულები.
ხანძარი გაჩნდა კიდევ ხუთ სახლში.
ოდესაზე რუსული დრონებით შეტევის შედეგად ხანძრით მოცული სახლი. 2025 წლის 20 ივნისი
მაშველებმა ორ სახლში გადაარჩინეს 6 მშვიდობიანი მოქალაქე, რომლებიც ბინებიდან გამოსვლას ვერ ახერხებდნენ. მრავალსართულიანი კორპუსიდან ევაკუირებულია 600-მდე მობინადრე.
უკრაინის საგანგებო სიტუაციების სამსახურის ცნობითვე, 13 დაშავებულიდან 3 მეხანძრე-მაშველია.
უკრაინის რკინიგზის ინფორმაციით, დაზიანებულია ოდესის რკინიგზის სადგურის ინფრასტრუქტურა.
განახლება: დილის 10 საათისთვის ოდესის საოლქო პროკურატურის ტელეგრამ-არხზე გამოქვეყნდა ცნობა, რომ რუსული დრონებით შეტევის შედეგად დაიღუპა 1 და დაშავდა 14 ადამიანი.
ასევე ნახეთ პუტინი ისევ აცხადებს, რომ უკრაინაში საცხოვრებელ უბნებს არ ეხებიან