ქართველი კინოდოკუმენტალისტი სალომე ჯაში ბერლინის ხელოვნების აკადემიის ჯილდოს მფლობელი გახდა.
ბერლინის ხელოვნების აკადემია ყოველწლიურად ექვს კატეგორიაში გასცემს პრიზებს და სტიპენდიებს განსაკუთრებული შემოქმედებითი მიღწევებისთვის და ხელოვანების მხარდაჭერისა და განვითარებისათვის. ეს კატეგორიებია ვიზუალური ხელოვნება, არქიტექტურა, მუსიკა, ლიტერატურა, სასცენო ხელოვნება და კინო და მედიახელოვნება. სწორედ კინოსა და მედიახელოვნების ჯილდო გადაეცა ქართველ კინოდოკუმენტალისტს. ამ დრომდე ბერლინის ხელოვნების აკადემიის პრიზი ქართველი რეჟისორებიდან აღებული ჰქონდა ოთარ იოსელიანს (1993 წელს).
დაჯილდოების ცერემონია ბერლინში 18 მარტს გაიმართება.
სალომე ჯაში არის რეჟისორი საერთაშორისო კინოსცენაზე აღიარებული ფილმებისა, როგორებიცაა "მოთვინიერება", "დაისის მიზიდულობა", "ბახმარო", "ლიდერი ყოველთვის მართალია." ის არის საქართველოს დოკუმენტური კინოს ასოციაცია "დოკას" თავმჯდომარე და ასევე საქართველოს კინოინსტიტუტის კინემატოგრაფისტთა საბჭოს წევრი.
ასევე ნახეთ კინოაკადემიამ სალომე ჯაშის ფილმის ჩვენებები გააუქმა - მიზეზი ფილმის შინაარსია ასევე ნახეთ სალომე ჯაში: ეს არ არის კულტურა, ეს არის დაბალი დონის საქციელი