9 აპრილს რადიო თავისუფლების დილის გადაცემის სტუმარი იყო „სახალხო ფრონტის“ თავმჯდომარე ნოდარ ნათაძე. 25 წელი გავიდა მას შემდეგ, რაც საქართველოს დამოუკიდებლობის მოთხოვნით დაწყებული საპროტესტო აქციები 1989 წლის 9 აპრილს, გამთენიისას, სასტიკი დარბევით დასრულდა. დაიღუპა 21 ადამიანი, მიტინგის ასეულობით მონაწილე კი მძიმედ დაშავდა. მიტინგის დარბევიდან ზუსტად ორი წლისთავზე, 1991 წლის 9 აპრილს, ხელი მოეწერა საქართველოს დამოუკიდებლობის აქტს.
