როგორ მოგზაურობენ ევროპაში ბიომეტრიული პასპორტების მქონე საქართველოს მოქალაქეები? გასული კვირის ბოლოს რადიო თავისუფლების სათავო ოფისში სტუმრად იმყოფებოდა დაჩი ცაგურია, რომელმაც მეუღლესა და მეგობართან ერთად, ერთ-ერთმა პირველმა გადალახა უვიზოდ ევროკავშირის საზღვარი. ისინი პოლონეთის ქალაქ კატოვიცეში გაემგზავრნენ ქუთაისიდან, რომლის აეროპორტის საერთაშორისო მნიშვნელობა სულ უფრო ძლიერდება. მოგზაურობის შთაბეჭდილების გარდა, დაჩი ცაგურიამ გვიამბო, ასევე, "საქართველოს რკინიგზაში" მიმდინარე პროცესებზე, რადგან ჩვენი თანამოსაუბრე ამ უწყებაში მგზავრთა გადაყვანის დირექტორის მოადგილედ მუშაობს.
