მომავალ წელს 100 წელი შესრულდება საქართველოს დამოუკიდებლობის გამოცხადებიდან. პირველი დემოკრატიული რესპუბლიკის სამწლიანი პერიოდი და იმდროინდელი საერთაშორისო პოლიტიკური ვითარება ისტორიკოსების მიერ თითქოს საკმაოდ კარგადაა შესწავლილი, თუმცა იმას, რაც შენახულია ერის კოლექტიურ მეხსიერებაში, პოლიტიკოსების მხრიდან სათანადო ყურადღება არ ექცევა, რაც ადრე დაშვებული შეცდომების განმეორების საფრთხეს ქმნის, ამბობს პაატა სურგულაძე, ისტორიის აკადემიური დოქტორი, გრიგოლ ლორთქიფანიძის საზოგადოების პრეზიდენტი.
