პირდაპირი: თავისუფლების მოედნისკენ მსვლელობა
თბილისში დაგეგმილი საპროტესტო აქციის პარალელურად და სოლიდარობის ნიშნად, ქართველი ემიგრანტები აქციებს მართავენ მსოფლიოს სხვადასხვა ქალაქში.
შვედეთის დედაქალაქ სტოკჰოლმში საქართველოს საელჩოს წინ ქართველმა ემიგრანტებმა საპროტესტო აქცია უკვე გამართეს. ქართველები იკრიბებიან ბერლინში, კიოლნში, ამსტერდამში, სიდნეისა და სხვა ქალაქებშიც.
ცესკოს მონაცემებით, 15:00 საათისთვის არჩევნებში მონაწილეობა მიიღო ხმის უფლების მქონე მოქალაქეთა 28,22%-მა
4 ოქტომბრის ადგილობრივი თვითმმართველობის არჩევნებისთვის რეგისტრირებულია 3 513 818 ამომრჩეველი.
ვრცლად აქ: radiotavisupleba.ge
„ქართული ოცნების“ და ოპოზიციის რამდენიმე ლიდერმა ხმა მისცა არჩევნებში.
ხმა მისცეს კახა კალაძემ და ირაკლი კუპრაძემ, - „ქართული ოცნების“ და „ლელო/ძლიერი საქართველოს“ მერობის კანდიდატებმა.
დღეს დილას კი ბიძინა ივანიშვილი ოჯახთან ერთად მივიდა ხმის მისაცემად.
მან მოკლე განცხადება გააკეთა, მედიის კითხვებს არ უპასუხა და საარჩევნო უბნის ტერიტორია მალევე დატოვა.
„ქართული ოცნების“ საპატიო თავმჯდომარეს წელს განსაკუთრებით მრავალრიცხოვანი დაცვა ახლდა.
ფორუმი