მეექვსე არგუმენტი - არ არის ჩატარებული სახლის ჩხრეკა. ადვოკატის შეფასებით, „ეს ნიშნავს გამოძიების ორგანომ იცოდა, არაფერი ინახებოდა ანდრო ჭიჭინაძის სახლში კანონსაწინააღმდეგო".
არგუმენტი #7 - ეკა ბესელია ამბობს, რომ საქმეში არსებული ვიდეოებზე. რომლებიც არის გამოთხოვილი ორჯერ, არცერთზე არ არის ჩატარებული ექსპერტიზა. არავის გაურკვევია, დამონტაჟებული ხომ არ არის ის.
„ცალკე ობიექტური გამოძიებისთვის პრობლემაა რა ხანგრძლივობით არის გამოთხოვილი ისინი, როცა ეს ვიდეოები ადასტურებს, რომ სამართალდამცავები ვინც ჩანან ამ კადრებში არღვევენ კანონს პოლიციის შესახებ, იმუქრებიან და საშინელი სიტყვებით მიმართავენ აქციის მონაწილეებს. არის გაუპატიურების მუქარაც. ამ პირთა მიმართ რამე ღონისძიება გაატარა გამოძიების რომელიმე ორგანომ? არა!", - ამბობს ის.
დაცვის მხარის არგუმენტი #8 - ეკა ბესელია ამბობს, რომ არ არის ჩატარებული ექსპერტიზა, რომლითაც დადასტურდება რა ნივთი ისროლა ანდრო ჭიჭინაძემ, მძიმეა ის თუ მსუბუქი, რა მიმართულებით ისროლა და ა.შ.
„ეს არის მნიშვნელოვანი არგუმენტი, რადგან გამოძიების ორგანომ ნათლად დაინახა, რომ არავინ დაუზიანებია ანდრო ჭიჭინაძეს, არავისთვის უსვრია დამიზნებით, მან უბრალოდ თავიდან მოიშორა და განარიდა იქაურობას ხის მსუბუქი პატარა ჯოხი. საპირისპიროს რომ ხედავდეს ბრალდების მხარე - ამ საკიითხზე ექსპერტიზა ჩატარებული იქნებოდა", - ამბობს ადვოკატი.
დაცვის მხარის არგუმენტი #9 - ეკა ბესელია ყურადღებას ამახვილებს გამოკვლეულ ნივთიერ მტკიცებულებებზე, რომლებიც გამოძიების ფარგლებში პროკურატურამ ამოიღო და სასამართლოში წარმოადგინა.
„ხაზგასმით უნდა აღინიშნოს, რომ არცერთი ნივთი პროკურატურას სასამართლოში არ წარმოუდგენია და არ გამოუკვლევია, რომელიც ანდრო ჭიჭინაძეს ეკუთვნოდა. არცერთი ნივთი ამოღებული არ არის. არცერთი ნივთი ანდრო ჭიჭინაძეს არ უკავშირდება", - ასკვნის ადვოკატი.
ფორუმი