11.20 - სოციალური სამართლიანობის ცენტრის ადვოკატები მიიჩნევენ, რომ ზვიად რატიანის დაპატიმრება აღკვეთის ღონისძიების სადამსჯელო ფორმით გამოყენების კიდევ ერთი მკაფიო მაგალითია, ვინაიდან გირაოს გამოყენება სრულად უზრუნველყოფდა ბრალდებულის მხრიდან კანონსაწინააღმდეგო ქმედების ჩადენის პრევენციას.
11.19 - დღეს სასამართლო განიხილავს მხარეთა მიერ მოპოვებული მტკიცებულებების დასაშვებობის საკითხს, ასევე 23 ივნისს დაკავებული ზვიად რატიანისთვის შეფარდებული აღკვეთის ღონისძიების ყველაზე მკაცრი ფორმის - პატიმრობის ძალაში დატოვების მიზანშეწონილობას.
ადვოკატები გეგმავენ სასამართლოს მიმართონ დაკავებულის პატიმრობიდან გათავისუფლებისა და აღკვეთის ღონისძიების სახით გირაოს გამოყენების შუამდგომლობით.
11.17 - საქმის მოსამართლე ლელა კალიჩენკოა. ადვოკატები - მარიამ პატარიძე და ქეთი ჩუთლაშვილი.
11.15 - ხალხის სიმრავლის გამო პატარა დარბაზი შედარებით დიდი დარბაზით შეიცვალა. ზვიად რატიანის პროცესი რამდენიმე წუთში დაიწყება.
ფორუმი