ისევ შესვენება გამოცხადდა, ნახევრსაათიანია, საზოგადოებრივ ადვოკატს ირაკლი ბენიას პროცესი აქვს. მისი მონაწილეობის გარეშე სხდომა ვერ გაგრძელდება.
რუსუდან აგურაშვილი ლუკა ჯაბუას ადვოკატი. ის ამბობს, რო არ არსებობს მოცემულობა, რომ ჯაბუა მართლმსაჯულებას ხელს შეუშლის. ისიც იმეორებს, რომ უკვე დასრულებულია მტკიცებულებების გამოკვლევა.
„მიმალვის საფრთხე ლუკა ჯაბუასთან მიმართებით არ არსებობს და პირველი აღკვეთის პროცესზე იმსჯელა და დადგინდა იმ განჩინებაში, რომ ლუკა ჯაბუას მხრიდან მიმალვის საფრთხე არ არსებობს, არ არსებობს მოწმეებზე ხელის შეშლის და მტკიცებულებების განადგურების საფრთხე, ერთადერთი რაზეც სასამართლომ შეიძლება მტკიცებულება დააყენოს არის ახალი დანაშაულის ჩადენის საფრთხე. ეს მსჯელობა უნდა ეყრდნობოდენ მის პიროვნებას, წარსულს, ასაკს, ქცევას და ვინ არის ლუკა ჯაბუა და შეიძლება თუ არა მან მომავალში ახალი დანაშაული ჩაიდინოს?" ჯერ უნდა ვიმსჯელოთ, ეს ბრალად შერაცხული ქმედება აქვს კი ჩადენილი? ამ პროცესებზე კარგად დავინახეთ, რომ გონივრულ ეჭვს მიღმა სტანდარტი კი არა ვარაუდიც არაა, რომ ლუკა ჯაბუას ის გააკეთა, რასაც ედავებიან", - ამბობს ადვოკატი სიტყვით გამოსვლისას და აზუსტებს, რომ 29 ნოემბერს არც ერთი დაზარალებული წარმოდგენილი არაა, არადა ამ დღეს ედავებიან ლუკა ჯაბუას.
რუსუდან აგურაშვილის განცხადებით, ჯგუფური ძალადობის მტკიცებულება არ არსებობს და ეს დაადასტურა მთავარმა გამომძიებელმა არსენ ხუნაშვილმა. „მაგ ლოგიკით და წარმატებით მეც შეიძლება გამოვჩენილიყავი რომელიმე ქუჩაზე და მაგ ლოგიკით მეც უნდა ვიჯდე აქ".
ადვოკატი ასკვნის, რომ ლუკა ჯაბუას დანაშაული არ ჩაუდენია და მომავალში დანაშაულის ჩადენის დაშვება მისი წარსულიდან უნდა გამომდინარეობდეს.
„ლუკა ჯაბუა არის სტუდენტი, რომელსაც წარსულში არანაირი გადაცდომა არ ჰქონია, არ ყოფილა კანონთან კონფლიქტში და ლუკა ჯაბუას 21 წელი შეუსრულდა ამ დარბაზში, ამ პროცესის განხილვისას და ამ მომენტიდან და დღესაც მასზე არასრულწლოვანთა მრთლმსაჯულების კოდექსი მოქმედებდა და ვრცელდებოდა, სახელმწიფოს უნდა ეზრუნა, რომ მისი ინტერესების გათვალისწინებით მიეღო გადაწყვეტილებები. არ არსებობდა დღემდე და დღეს, მკაცრი აღკვეთის ძალაში დატოვების საფუძველი, ვშუამდგომლობ გააუქმოთ აღკვეთის ღონისძიება პატიმრობა და გაათავისუფლოთ დარბაზიდან, როგორც იმსახურებს ის".
ამის შემდეგ ადვოკატმა ალტერნატივებიც შესთავაზა, მაგალითად გირაო და სხვა ღონისძიებები.
14:20 - ახლა ანდრო ჭიჭინაძის მეორე ადვოკატი, თორნიკე მიგინეიშვილი საუბრობს და ასაბუთებს, რატომ უნდა შეიცვალოს აღკვეთის ღონისძიება პატიმრობა უფრო მსუბუქი ფორმით. ის ჭიჭინაძის გათავისუფლებას მოითხოვს.
„ცალკეულადაც კი ვერ დადასტურდა ძალადობრივი მოქმედება და ის, რომ ამ მოქმედებამ დააზიანა რომელიმე მოქალაქე, ასევე ვერ დადასტურდა ჯგუფურობის ნაწილი, რომ ბრალდებულები ერთმანეთს იცნობდნენ, აქცია გაიცნეს და ერთად გეგმავდნენ რაღაც მოქმედებას. შეურაცხმყოფელია ანდრო ჭიჭინაძისთვის, მაგრამ ერთ-ერთი გარემოებაა, რომ ვიღაც თითქოს ავალებდა ანდრო ჭიჭინაძეს ყოფილიყო აქცია. ერთადერთი, ვინც ანდრო ჭიჭინაძეს ავალებდა რამეს, საკუთარი თავი იყო, ყოფილიყო აქციაზე და დაეცვა სამშობლო მშვიდობიანი წესით. ერთადერთი სამართლიანი გადაწყვეტილება რაც შეიძლება მიიღოთ, არის ანდრო ჭიჭინაძის დარბაზიდან გათავისუფლება, სხვა ყველა ზომა იქნება უკანონო", - დაასრულა თორნიკე მიგინეიშვილმა სიტყვით გამოსვლა.
შუამდგომლობას აყენებს ანდრო ჭიჭინაძის ადვოკატი, ნათია კორკოტაძე.
„ანდრო ჭიჭინაძე რომ უღირსი პიროვნება იყოს, ის პატივისცემა, რაც გამოხატა ციხის ადმინისტრაციამ, გამოხატავდა? ამდენი წელია ადვოკატი ვარ და არ მახსოვს ადმინისტრაციას ამ მასშტაბით მიელოცა ვინმესთვის დაბადების დღეს, ანდრო უნდა დარჩეს აღკვეთის ღონისძიების გარეშე და გაგრძელდეს საქმე ჩვეულებრივ...ჭიჭინაძე, რომლის თეატრმაც შეწყვიტა ფუნქციონირება, დოი გადადგა, აღარაა რეჟისორი, თეატრი არის უბატონოდ დარჩენილი, სპექტაკლი არ იმართება..მიიღეთ ობიექტური გადაწყვეტილება და აღკვეთის ღონისძიების გარეშე დატოვეთ ანდრო ჭიჭინაძე", - ამბობს ადვოკატი.
მან გაიხსენა მოსამართლის შენიშვნა, რომელიც მისცა ადვოკატ ნიკოლოზ ლეგაშვილს. სტრასბურგის პრაქტიკიდან სამი მაგალითი უკვე მოიყვანეთ და მეტი აღარ გვინდაო. ამის პასუხად და კოლეგიალობის არგუმენტითაც, ნათია კორკოტაძემ თქვა:
„თქვენ გააჩერეთ ჩემი კოლეგა უკვე სამი მაგალითი თქვით სტრასბურგის პრაქტიკიდან და საკმარისია, მე ვიცი, რომ მოსამართლეები 28 ფურცლიდან 20-ში სტრასბურგის მაგალითებს წერენ, აბა თქვენ რამდენს გამოიყენებთ, როცა გადაწყვეტილებას მიიღებთ...
მე რომ გიყურებთ ზოგჯერ ისეთი სახე გაქვთ ვფიქრობ, რაღაც ვთქვა, თავს ვიკავებ და ვჩერდები, როცა თქვენს სახეზე ღიმილს ვხედავ ჩემში ნაპერწკალი იღვიძებს. ჩემი თხოვნაც იქნება და მოთხოვნაც, გადადგით ეს ნაბიჯი დღეს და შეცვალეთ აღკვეთის ღონისძიება ყველა სინდისის პატიმრის მიმართ".
ფორუმი