სპეცრაზმის მხრიდან სპეციალური საშუალებების გამოყენების მიუხედავად, თბილისის ცენტრში პროევროპული აქცია გრძელდება. აქციის მონაწილეების ძირითადი ნაწილი რუსთაველის გამზირზე რჩება, მოქალაქეთა კიდევ ერთი ჯგუფი მსვლელობით მივიდა თავისუფლების მოედნის მიმდებარე ტერიტორიასთან.
აქციის მონაწილეების ძირითადი ნაწილი კვლავ რუსთაველის გამზირზე რჩება - ისინი ოპერის თეატრიდან, თითქმის რესპუბლიკის მოედნამდე დგანან.
თავისუფლების მოედნიდან, დაახლოებით, ცისფერ გალერეამდე ტერიტორია სპეცრაზმს უკავია. ადგილზეა წყლის ჭავლის მანქანა. სპეცრაზმელები, პერიოდულად, მომიტინგეების მისამართით გაზის კაფსულებს ისვრიან.
აქციის მონაწილეების მეორე ნაწილი სანაპიროსა და ბარათაშვილის ქუჩის გავლით, თავისუფლების მოედანთან მსვლელობით მივიდა. მათ ადგილზე სპეცრაზმი კორდონი დახვდათ, შესაბამისად, აღარ მიეცათ მოედნის მიმართულებით გზის გაგრძელების საშუალება.
ევროკომისარი გაფართოების საკითხებში - მარტა კოსი პლატფორმა X-ზე წერს, რომ ესაუბრა საქართველოს პრეზიდენტ სალომე ზურაბიშვილს:
"დღეს ვესაუბრე პრეზიდენტ ზურაბიშვილს საქართველოში შექმნილ შემაშფოთებელ ვითარებაზე. ვაქებ საქართველოს ხალხის გაბედულ პრინციპულობას ევროპისკენ მიმავალ გზაზე სვლის გაგრძელებაში. თქვენი ნება უნდა იყოს გათვალისწინებული. აღარავითარი ძველებურად გაგრძელება. ევროკავშირი თქვენს მხარეს არის".
მანამდე, 1 დეკემბერს სალომე ზურაბიშვილს ესაუბრნენ ევროკავშირის უმაღლესი წარმომადგენელი/ევროკომისიის ვიცეპრეზიდენტი კაია კალასი და ევროპული საბჭო პრეზიდენტი ანტონიო კოსტა.
აქციის მონაწილემ სპეცრაზმის ფარებს ჩაარტყა და კორდონში შეითრიეს
აქცია-მსვლელობა სანაპიროზე
ფორუმი