პროევროპული საპროტესტო აქციები თბილისში - ლაივბლოგი

პროტესტის მეხუთე დღე - რუსთაველის გამზირზე ევროინტეგრაციის მხარდამჭერი აქცია გრძელდება

2 დეკემბრის საღამოს აქციის დაშლა საპოლიციო ძალებმა 22:00 საათისთვის დაიწყეს

აქციებზე დაპატიმრებული ასობით ადამიანის გამო თბილისის საქალაქო სასამართლოში სხდომები ღამითაც ტარდება.

შსს-ს მონაცემებით, ბოლო დღეებში საპროტესტო აქციებზე 224 ადამიანია დაკავებული. მათ ძირითადად წვრილმან ხულიგნობასა და პოლიციისათვის წინააღმდეგობის გაწევას ედავებიან. საქმის წარმოება დასრულდა 74 ადამიანის მიმართ. 36-ს დააკისრეს ჯარიმა, 34-ს ადმინისტრაციული პატიმრობა მიუსაჯეს, 4-ს შენიშვნა მისცეს.

1 დეკემბერს, უკვე დაღამებულზე დაიწყო თორნიკე ჭელიძის, ავთანდილ შავგულიშვილისა და დემეტრე ხურცილავას პროცესი:

ასევე ნახეთ

„რამდენმა პოლიციელმაც დამინახა, ყველამ დამარტყა“ - როგორ ასამართლებენ აქციაზე დაკავებულებს

„დაკავებულ მოქალაქეებს არაადამიანურად ეპყრობიან“, - წერენ ის უფლებადამცველი ორგანიზაციები, რომლებიც პროევროპულ აქციებზე დაკავებულ მოქალაქეებს სამართლებრივ დახმარებას უწევენ.

ძალადობის ისტორიებს ჰყვებიან ადამიანები, რომლებმაც ცოტა ხნის წინ დატოვეს იზოლატორები, რჩებიან კლინიკების პალატებში და თავს იცავენ სასამართლო დარბაზებში.

რადიო თავისუფლებამ ამ ამბების შეგროვება დაიწყო.

თორნიკე ბერაძე 1 დეკემბრის ღამეს მეგობარსა და ძმასთან ერთად ზუბალაშვილების ქუჩაზე დააკავეს:

ასევე ნახეთ

„რამდენჯერაც თავი ავწიე, იმდენი მუშტი მომხვდა“ - როგორ მოხვდა დაკავებული თორნიკე ბერაძე კლინიკაში