დემონსტრანტები რუსთაველზე ბრუნდებიან.
სახალხო დამცველი რუსთაველის გამზირზე მიმდინარე აქციის დაშლას ეხმაურება და შინაგან საქმეთა სამინისტროს - არ გამოიყენოს სპეციალური საშუალებები მშვიდობიანი შეკრების მონაწილეთა მიმართ და არ გააგრძელოს შეკრების შეწყვეტა.
"როგორც წინა დღეებში არაერთხელ მიგვითითებია, იმ შემთხვევაში თუ კონკრეტული პირების მიერ ადგილი აქვს ძალადობრივ ქმედებებს, მათ მიმართ ინდივიდუალურად უნდა გატარდეს შესაბამისი პროპორციული ღონისძიებები და არ უნდა ხდებოდეს მშვიდობიანი შეკრების დაშლა", - წერია ომბუდსმენის, ლევან იოსელიანის განცხადებაში.
თბილისის საქალაქო სასამართლომ 8 დღიანი ადმინისტრაციული პატიმრობა შეუფარდა პოეტ ზვიად რატიანს, რომელიც პოლიციამ 29 ნოემბრის ღამეს დააკავა პროევროპულ საპროტესტო აქციაზე.
დაკავებისას სასტიკად ნაცემი ზვიად რატიანი სასამართლოს დარბაზში საავადმყოფოდან მიიყვანეს - რომელ იზოლატორში გადაიყვანენ მას სასამართლო დარბაზიდან, ცნობილი არ არის.
ზვიადს მოტეხილი აქვს მეხუთე მალა, გატეხილი აქვს ცხვირის ძვალი და ძგიდე, თავსა და მთელ სხეულზე აქვს სხვადასხვა სიმძიმის ჰემატომები, დაჟეჟილობები.
საპატრულო პოლიციის უფროსი ვაჟა სირაძე აცხადებს, რომ დღეს პოლიციამ გადაწყვიტა, „თავიდანვე გამოეყენებინა პროპორციული ძალა“, რადგან „აქცია თავიდანვე აგრესიით და ძალადობით დაიწყო ... 300-400-კაციანი ჯგუფის მიერ“.
სირაძის განცხადებით, „აქცია ბოლო დღეებია ძალადობრივია“ და პოლიციელები „ითმენდნენ სისტემატურ ძალადობრივ ქმედებებს“.
„100-ზე მეტი პოლიციელია დაზიანებული, ესროდნენ პიროტექნიკას, რკინის საგნებს. სეროზული დაზიანებები მიიღეს, რამდენიმეს ქირურგიული ჩარევა დასჭირდა“, - თქვა მან.
„დღევანდელი აქცია დაიწყო ძალადობრივად. სანამ შეიკრიბებოდა ხალხის დიდი რაოდენობა. 400-კაციანმა ჯგუფებმა დაიწყეს სხვადასხვა საგნებისა და პიროტექნიკის სროლა. იყო ძალადობრივი ქმედებები, შეურაცხყოფის მიყენება პოლიციის თანამშრომლების მიმართ, რის გამოც იძულებული გავხდით, დაგვეწყო ღონისძიება და გამოგვეყენებინა პროპორციული ძალა“, - განაცხადა მან.
სახალხო დამცველმა, აქციის ძალის გამოყენებით დაშლის დაწყების შემდეგ, განაცხადა, რომ „იმ შემთხვევაში თუ კონკრეტული პირების მიერ ადგილი აქვს ძალადობრივ ქმედებებს, მათ მიმართ ინდივიდუალურად უნდა გატარდეს შესაბამისი პროპორციული ღონისძიებები და არ უნდა ხდებოდეს მშვიდობიანი შეკრების დაშლა“.
სახალხო დამცველი მოუწოდებს შინაგან საქმეთა სამინისტროს, არ გამოიყენოს სპეციალური საშუალებები მშვიდობიანი შეკრების მონაწილეთა მიმართ და არ გააგრძელოს შეკრების შეწყვეტა.
ფორუმი