პარლამენტის წინ აქციის დარბევა დაიწყო
2 დეკემბერს, პროევროპული საპროტესტო დემონსტრაციების მე-5 დღეს, შინაგან საქმეთა სამინისტრომ 21:45 საათზე, - წინა დღეებთან შედარებით, უფრო ადრე - დაიწყო დემონსტრაციის ძალის გამოყენებით დაშლა.
სპეცრაზმი ხუთიოდე წუთით ადრე დაიძრა თავისუფლების მოედნიდან.
პარალელურად, 9 აპრილის ქუჩაზე მდგარი პოლიციელებიც დაიძრნენ რუსთაველის გამზირისკენ და დაიწყეს ძალის გამოყენებით დემონსტრანტების დაკავება.
არაერთი ადამიანი დააკავეს.
პოლიციელები ამოვიდნენ ქვედა ქუჩიდანაც.
„არ დავიშლებით“, - ყვირიან დემონსტრანტები.
რუსთაველის გამზირზე კვლავ ათასობით ადამიანია შეკრებილი.
პარლამენტის წინა ტერიტორია 21:50 საათისთვის უკვე დაიკავეს სპეცრაზმელებმა; ისინი განლაგებულები არიან ქაშვეთის ეკლესიის ჩასასვლელთანაც.
მათ ქაშვეთის ეკლესიის ეზოში მოაქციეს დემონსტრანტთა გარკვეული ჯგუფი.
პოლიციის კორდონი 21:55 საათისთვის ჩადგა ცისფერი გალერეის წინ.
შსს კვლავ მოუწოდებს დემონსტრანტებს, დაიშალონ, წინააღმდეგ შემთხვევაში „სპეციალური საშუალებების“ გამოყენებით ემუქრება.
ოპოზიციური პარტია "გირჩი - მეტი თავისუფლების" წევრს, გელა ხასაიას თავს დაესხნენ. ამის შესახებ ინფორმაციას ფეისბუქზე ავრცელებს პარტიის პრესსამსახური ანა ყურაშვილი. მისი ინფორმაციით, ხასაიას საკუთარ სახლთან სამმა პირმა სცემა.
"გელას დაესხა თავს სახლთან 3 ადამიანი. უკნიდან ჩაარტყეს, ხრეშიან მიწაზე ახოხიალეს, ურტყეს ზურგში, ფეხებში და სახეზე", - წერს ის.
სიტუაცია პარლამენტთან
ფორუმი