7 აგვისტოს "თავისუფლების დილის" სტუმარი იყო იურისტი, ადამიანის უფლებების სწავლებისა და მონიტორინგის ცენტრის (EMC) წარმომადგენელი, გურამ იმნაძე. შინაგან საქმეთა სამინისტროს მიერ 5 აგვისტოს გავრცელებული ინფორმაციით, მუსიკალურ ფესტივალ Gem Fest-ზე ნარკოდანაშაულებისთვის დაკავებულია 5 პირი. ფესტივალზე არის მსხვერპლიც - ახალგაზრდა გოგონა, რომელიც გასულ კვირაში ინტოქსიკაციის შედეგად გარდაიცვალა. ფესტივალის ორგანიზატორები აცხადებენ, რომ ისინი მაქსიმალურად ცდილობენ ფესტივალის ტერიტორია დაცული იყოს ნარკოტიკული საშუალებების გავრცელება-მოხმარებისგან.