ე.წ. კომენდანტის საათის პირობებში შემდეგი შეზღუდვები წესდება
აიკრძალება 3 პირზე მეტის შეკრება, თუმცა ეს არ შეეხება მაღაზიებსა და აფთიაქებს, - განაცხადა პრემიერ-მინისტრმა გიორგი გახარიამ მთავრობის კანცელარიაში გამართულ ბრიფინგზე.
გიორგი გახარიას სიტყვებით, საწარმოები გააგრძელებენ მუშაობას და თუ საჭირო გახდება, მათთვის გამოიცემა სპეციალური პროტოკოლი.
„იკრძალება სამზე მეტი პირის თავშეყრა, გარდა სასურსათო მაღაზიებისა და აფთიაქებისა, სადაც სავალდებულოდ დაცული უნდა იყოს ორი მეტრის სოციალური დისტანცია. ამასთან, მთავრობის მიერ ნებადართულ საწარმოებს, რომლებიც განსაკუთრებული აუცილებლობის შემთხვევაში ცალკე იქნება გაწერილი, რომელთაც ექნება ცალკე პროტოკოლები, რომელიც შეთანხმებუილ იქნება ჯანდაცვის სამინისტროსთან და ჩვენ ამას ვაკეთებთ იმისთვის, რომ ეკონომიკამ განაგრძნოს ფუნქციონირება და ის პოტენციალი, რომელიც გააჩნია საქართველოს ეკონომიკას, სრულად არ იყოს გაჩერებული და, რა თქმა უნდა, იმისთვის, რომ ჩვენმა მოალაქეებმა მაქსიმალურად შეძლონ სამუშაო ადგილების შენარჩუნება”, - განაცხადა გიორგი გახარიამ.
მისი სიტყვებით, საქართველოს მოქალაქეს ნებისმიერ დროს ქალაქში გადაადგილებისას თან უნდა ჰქონდეს პირადობის დამადასტურებელი დოკუმენტი.
„ამ შეზღუდვების ეფექტური აღსრულება და, რაც მთავარია, ამ შეზღუდვებში თანამშრომლობა სახელმწიფოს, მოქალაქეს და ნებისმიერი ამ ქვეყნის სოციალური ჯგუფის არის უკიდურესად მნიშვნელოვანი იმისთვის, რომ ჩვენ შედარებით წარმატებული გამოწვევაზე პასუხი, რომელიც აქამდე გვქონდა, გავაგრძელოთ“, - განაცხადა გიორგი გახარიამ.
პრემიერის განცხადებით, 70 წელს გადაცილებულ საქართველოს მოქალაქეებს ეკრძალებთ სახლიდან გასვლა, თუ ისინი არ მიდიან უახლოეს სასურსათო მაღაზიაში, აფთიაქსა და სამედიცინო დაწესებულებაში.
„აკრძალულია 70 წელზე ზემოთ ჩვენი მოქალაქეების სახლიდან გასვლა გარდა იმ შემთხვევებისა, როდესაც ისინი მიდიან უახლოეს სასურსათო მაღაზიებში, უახლოეს აფთიაქსა და უახლოეს სამედიცინო დაწესებულებაში. იმ შემთხვევაში, თუ ჩვენი 70 წელს გადაცილებული მოქალაქეები არიან მარტოხელები, ეკონომიკის სამინისტროს, ჯანდაცვის სამინისტროსა და ადგილობრივ მუნიციპალიტეტებს ვალდებულება აქვთ, რომ მათ დაეხმაროს“, - აღნიშნა გიორგი გახარიამ.
31 მარტის დილის 8 საათიდან საქართველოს მთელ ტერიტორიაზე საყოველთაო კარანტინი ცხადდება, - განაცხდა პრემიერ-მინისტრმა გიორგი გახარიამ მთავრობის ადმინისტრაციაში გამართულ ბრიფინგზე.
მისი სიტყვებით, მოქალაქეებს ქუჩაში გადაადგილება 21:00 საათიდან აეკრძალებათ.
საქართველოში კორონავირუსი 100 ადამიანს დაუდასტურდა. ამ დროისთვის კარანტინის რეჟიმში 4978 ადამიანი იმყოფება, სტაციონარში მეთვალყურეობის ქვეშ კი 266 პაციენტი რჩება. გამოჯანმრთელდა 18 ადამიანი.
გიორგი გახარია: სწრაფი ტესტები იქნება მაშინ, როდესაც იქნება ამის აუცილებლობა
საქართველოს პრემიერ-მინისტრის, გიორგი გახარიას თქმით, საქართველოში სწრაფი ტესტების გამოყენების დროც მოვა. მისი თქმით, არასწორია, როცა პოლიტიკური ჯგუფები მოსახლეობას პოპულისტურად არწმუნებენ იმაში, რომ სწრაფი ტესტირება მასობრივ ტესტირებას ნიშნავს:
"ზოგიერთი პოლიტიკოსი თქვენთან ერთად [ჟურნალისტს] აჩენს მოლოდინს, რომ სწრაფი ტესტი ნიშნავს იმას, რომ მედიკოსები გამოვლენ ქუჩაში და დაიწყებენ მასობრივ ტესტირებას. ეს არის სიცრუე.
არანაირი აზრი სწრაფ ტესტირებაში, თუ მას შემდგომ არ მოჰყვება კონტროლის შემდგომი მექანიზმები, არ არსებობს.
და, შესაბამისად, სწრაფი ტესტები ჩვენს შემთხვევაში დღეს ყველაზე ეფექტური და ყველაზე საჭირო არის პირველ რიგში იმ სპეციალური სოციალური ჯგუფების კონტროლისთვის, რომლებიც წინა ხაზზე არიან“, - განაცხადა გიორგი გახარიამ. მისი თქმით, სწრაფი ტესტები იქნება მაშინ, როდესაც ამის აუცილებლობა დადგება.
„თუ ხვალ იქნება ამის აუცილებლობა, ეს სწრაფი ტესტები იქნება ხვალ. და თქვენ თუ ფიქრობთ, რომ ეს სწრაფი ტექსტები ქვეყანაში არ არის, ძალიან ცდებით“, - მიმართა გიორგი გახარიამ ტელეკომპანია „მთავარი არხის“ ჟურნალისტს.
31 მარტის დილის 8 საათიდან საქართველოს მთელ ტერიტორიაზე საყოველთაო კარანტინი ცხადდება, - განაცხდა პრემიერ-მინისტრმა გიორგი გახარიამ მთავრობის ადმინისტრაციაში გამართულ ბრიფინგზე.
მისი სიტყვებით, მოქალაქეებს ქუჩაში გადაადგილება 21:00 საათიდან დილის 6:00 საათამდე აეკრძალებათ.
კარანტინის ფარგლებში სრულად იკრძალება ნებისმიერი ტიპის საზოგადოებრივი ტრანსპორტით, მათ შორის, მეტროთი გადაადგილება.
საქართველოს 7 ქალაქში საკონტროლო პუნქტები მოეწყობა
თბილისში, ბათუმში, ქუთაისში, რუსთავში, ფოთში, ზუგდიდსა და გორში საკონტროლო პუნქტები მოეწყობა, ამის შესახებ განაცხადა პრემიერ-მინისტრმა გიორგი გახარიამ, რომელმაც ქვეყნის მთელ ტერიტორიაზე საკარანტინო რეჟიმი გამოაცხადა.
„პირთა გადაადგილების კონტროლის და მათი ჯანმრთელობის მდგომარეობის პირველადი შემოწმების მიზნით, საგანგებო მდგომარეობის გამკაცრებული პირობების კონტროლის და ამ პირობების შესრულების მიზნით, ასევე პირველადი თერმოსკრინინგის მიზნით მოეწყობა საკონტროლო პუნქტები შემდეგ ქალაქებში: თბილისში, ბათუმში, ქუთაისში, რუსთავში, ფოთში, ზუგდიდში და გორში, ამ ქალაქების ადმინისტრაციული საზღვრების კონტროლის მიზნით. ამ ღონისძიებას განახორციელებს შსს-ს ძალები და მასთან ერთად ჩართულნი იქნებიან თავდაცვის სამინისტროს შესაბამისი უწყებები“, - განაცხადა გიორგი გახარიამ.
პრემიერ-მინისტრის განცხადებით, 31 მარტიდან წესდება ე.წ. კომენდანტის საათი და გადაადგილება იკრძალება საღამოს 21:00 საათიდან დილის 06:00 საათამდე.
გახარია: ჩვენ ყოველთვის ვიპოვით შესაბამის კომპრომისს ეკლესიასთან
რელიგიური დღესასწაულების შესახებ დაუსვეს შეკითხვა საქართველოს პრემიერ-მინისტრ გიორგი გახარიას, ჟურნალისტი დაინტერესდა, რას გეგმავს მთავრობა მაშინ, როდესაც რელიგიური დღესასწაულები ახლოვდება და როგორ აპირებს გაუმკლავდეს ხალხის ნაკადს. ამასთან, ჰქონდა თუ არა ხელისუფლებას საქართველოს მართლმადიდებელ ეკლესიასთან კომუნიკაცია.
„ასეთი კომუნიკაცია იყო, ასეთი კომუნიკაცია გაგრძელდება და მისი შედეგია მაგალითად ის, რომ ბევრმა ეკლესიამ დააწესა სპეციალური წესები. ბევრმა ეკლესიამ მოახერხა და მოახდინა ეკლესიის ეზოების შესაბამისი ხმის ტექნიკით აღჭურვა, იმისთვის, რომ მრევლს შეეძლოს გარეთ იმყოფებოდეს. ჩვენ ამას გავაგრძელებთ, მაგრამ ერთ რამ გავითვალისწინოთ, ჩვენი მთავრობის პასუხისმგებლობა არის ჩვენი მოქალაქეების ჯანმრთელობა. ჩვენ ვართ დარწმუნებული, რომ როდესაც საკითხი ეხება საქართველოს მოქალაქის სიცოცხლეს და მის ჯანმრთელობას, ჩვენ ყოველთვის ვიპოვით შესაბამის კომპრომისს ეკლესიასთან. მე ვერ წარმომიდგენია, ისევე, როგორც რიგით ადამიანს, მოქალაქეს, მრევლს, რიგით ქრისტიანს, რა შეიძლება იყოს ადამიანის სიცოცხლეზე უფრო მაღალი ფასეულობა, როგორც მთავრობისთვის, ასევე ეკლესიისთვის“, - თქვა გიორგი გახარიამ.
პრემიერ-მინისტრმა კიდევ ერთხელ განმარტა ზომების გამკაცრების შინაარსი.
„ეს ნიშნავს აკრძალვას სახლიდან გამოსვლის, ჩვენი მოქალაქეებისთვის, რაც დღეს ობიექტური რეალობაა ევროპის ბევრ დედაქალაქში. ჩვენ, საბედნიეროდ, მიგვაჩნია, რომ ჯერ კიდევ გვაქვს დრო იმისთვის, რომ გავუმკლავდეთ ამ გამოწვევას ისე, რომ საბოლოოდ არ შევზღუდოთ ეკონომიკური აქტივობები ჩვენს ქვეყანაში. ამიტომ, ვცდილობთ დავიჭიროთ ბალანსი. ყველას ხო კარგად გვესმის, რომ ჩვენი ეკონომიკა ვერ შეძლებს, არ აქვს იმხელა რეზერვები, რომ თვეების განმავლობაში უმუშევრობის და ეკონომიკის გაჩერების პირობებში, დაასუბსიდიროს თითოეული მოქალაქე. ეს არის ძალიან დიდი გამოწვევა“, - ამბობს გახარია.
პრემიერის თქმით, სრული კარანტინი, ე.წ. საკომენდანტო საათი ნიშნავს, რომ „21:00 საათიდან დილის 06:00 საათამდე ფუნქციონირება შეეძლება მხოლოდ და მხოლოდ აფთიაქებს, სხვას არაფერს“.
30 მარტს გიორგი გახარიამ თქვა, რომ მიღებულია გადაწყვეტილება საგანგებო მდგომარეობის ფარგლებში ზომების მნიშვნელოვანი გამკაცრების შესახებ, „ფაქტობრივად, ვაცხადებთ საყოველთაო კარანტინს".
როგორც გახარია დასძენს, ყველას უნდა ესმოდეს, რომ ეს ნაბიჯი არის მინიმუმი, რისი გაკეთებაც და დათმობაც ხელისუფლებას შეეძლო იმისთვის, რომ არ გამოცხადებულიყო საყოველთაო კარანტინი.
საქართველოს სამოციქულო ავტოკეფალური მართლმადიდებელი ეკლესიის სინოდის 20 მარტის სხდომაზე კორონავირუსის (COVID-19) შესახებ მიიღეს განჩინება, რომლის თანახმად, საერთო კოვზით ზიარებაზე უარის თქმა, როგორც ინფექციის გადამტან წყაროზე, ყოვლად მიუღებელია.