კორონავირუსის გამო სახლში გამოკეტილი ამბროლაურელი ბავშვები ასე ეკონტაქტებიან ერთმანეთს.
ბოჭორიშვილის კლინიკაში კორონავირუსით ინფიცირებული 2 წლის ბავშვი მოათავსეს
აკადემიკოს ვახტანგ ბოჭორიშვილის სახელობის საავადმყოფოში დღეს შეიყვანეს 2 წლის ბავშვი, რომელსაც კორონავირუსი დაუდასტურდა. კლინიკის დირექტორის, კახა იშხნელის განმარტებით, ბავშვი ცნობილი კლასტერის კიდევ ერთი მორიგი შემთხვევაა და იგი ოჯახის წევრებთან ერთად თვითიზოლაციაში იმყოფებოდა. არსებული ინფორმაციით, ახალი კორონავირუსით ბავშვის ბებია და ბაბუა არიან ინფიცირებულები:
„თვითონ მშობლები არ არიან დაინფიცირებული, დედას უწევს ყოფნა ბავშვთან ერთად," - განაცხადა აკადემიკოს ვახტანგ ბოჭორიშვილის სახელობის კლინიკის დირექტორმა კახა იშხნელმა. ექიმის თქმით, ბავშვის მდგომარეობა დამაკმაყოფილებელია.
ამავე საავადმყოფოს ექიმ-ინფექციონისტის მეგი კობახიძის განცხადებით, ამ ეტაპზე ბავშვი ფაქტობრივად უსიმპტომოა, უტარდება კვლევები და დაწყებულია შესაბამისი მკურნალობა.
საქართველომ კორონავირუსით გარდაცვლილთა დაკრძალვის წესები შეიმუშავა
ჯანდაცვის სამინისტრომ და დაავადებათა კონტროლის ეროვნულმა ცენტრმა, COVID 19-ის დიაგნოზით გარდაცვლილი ადამიანების დაკრძალვის რეკომენდაციები შეიმუშავა. დოკუმენტი რადიო თავისუფლებას ჯანდაცვის სამინისტრომ მიაწოდა. რეკომენდაციები კორონავირუსის დიაგნოზით გარდაცვლილი ადამიანების გვამიდან, ვირუსის გადადების რისკების შესამცირებლად შეიქმნა.