ლონდონიდან სამშობლოში დაბრუნებულ ქართველ ოლიმპიელებს გულთბილი დახვედრა მოუწყვეს სპორტის ქომაგებმა, მეგობრებმა, ნათესავებმა. თბილისის საერთაშორისო აეროპორტში ოლიმპიადის მედალოსნებს მრავალი გულშემატკივარი ელოდა. დახვედრის ცერემონია გაგრძელდა გორში, რომელმაც თამაშების სამი პრიზიორი აღზარდა: ოლიმპიური ჩემპიონი, ძიუდოისტი ლაშა შავდათუაშვილი, და ვერცხლისა და ბრინჯაოს პრიზიორები, მოჭიდავეები ვლადიმერ ხინჩეგაშვილი და გიორგი გოგშელიძე. აეროპორტიდან ოლიმპიელები მიიყვანეს თეატრის სკვერში, სადაც გორელებმა საპატიო დერეფანი გააკეთეს და სპორტსმენები შეძახილებით ააცილეს სცენაზე.
