ჟურნალისტი. მუშაობს საერთაშორისო სამხედრო თანამშრომლობის, შეიარაღებული კონფლიქტების, ნატოს და ევროკავშირის სამეზობლოს სამხედრო პოლიტიკისა და უსაფრთხოების საკითხებზე. რადიო თავისუფლების ჟურნალისტია 2001 წლიდან.
უკრაინის ევროპული კურსის მომხრე ოპოზიციის ლიდერები პარასკევს დათანხმდნენ ქვეყნის პრეზიდენტ ვიქტორ იანუკოვიჩთან მოლაპარაკებაზე. თუმცა შეხვედრა, ოპოზიციის განცხადებით, უშედეგოდ დასრულდა.
პრაღაში ჩამოსულ აჭარის დელეგაციას შემთხვევით რომ არ შევხვედროდი, ნადირობის მიმართ ინდიფერენტულს, ალბათ, კიდევ კარგა ხანს არ მეცოდინებოდა, რომ საქართველომ ევროპისგან თურმე ნადირ-ფრინველთა ხოცვაც უნდა ისწავლოს.
წუხანდელი დაძაბული ღამის შემდეგ, როდესაც უკრაინის სპეცდანიშნულების ძალებმა ბარიკადებისგან გაათავისუფლეს ე.წ. სამთავრობო კვარტალი, სამშაბათი მნიშვნელოვანი დღე გამოდგა უკრაინაში შექმნილი პოლიტიკური კრიზისის გადაჭრისათვის.
3-4 დეკემბერს ნატოს შტაბბინაში, ალიანსის საგარეო საქმეთა მინისტრების სამიტის ფარგლებში, ნატო-საქართველოს კომისიის სხდომა გაიმართა, რომელზეც საქართველომ ქება დაიმსახურა.
ნატოს საგარეო საქმეთა მინისტრების შეხვედრის ბოლო დღე ბრიუსელში რუსეთ-ნატოს საბჭოთი დაიწყო და ნატო-საქართველოს კომისიის სხდომით დასრულდა.
ჩრდილოატლანტიკური ალიანსის საგარეო საქმეთა მინისტრების მონაწილეობით გამართულ ნატო-საქართველოს კომისიაზე საქართველოს ხელისუფლებამ ქება დაიმსახურა.
3 დეკემბერს ნატოს ბრიუსელის შტაბ-ბინაში, ჩრდილოატლანტიკური საბჭოს შეხვედრით გაიხსნა ალიანსის საგარეო საქმეთა მინისტრების შეხვედრა.
ნატო ყურადღებით ადევნებს თვალს უკრაინაში განვითარებულ მოვლენებს და მოუწოდებს მხარეებს თავი შეიკავონ ძალადობისაგან, - განაცხადა ალიანსის ოფიციალურმა წარმომადგენელმა.
ქიმიურ ელემენტ პოლონიუმზე საუბარი საერთაშორისო მედიაში კვლავ გააქტიურდა მას შემდეგ, რაც პალესტინის ავტონომიის ყოფილი ლიდერის იასირ არაფატის ქვრივმა გასული თვის დასაწყისში განაცხადა, რომ 2004 წელს მისი მეუღლის სიკვდილის მიზეზი, როგორც ეს შვეიცარიაში ჩატარებულმა სასამართლო-სამედიცინო ექსპერტიზამ ცხადყო, პოლონიუმით მოწამვლა გახდა.
ვილნიუსში საქართველოს დელეგაციის შემადგენლობაში იყო სახელმწიფო მინისტრი ევროპულ და ევროატლანტიკურ სტრუქტურებში ინტეგრაციის საკითხებში ალექსი პეტრიაშვილი, რომელსაც კომენტარი ვთხოვეთ ვილნიუსის სამიტის შესახებ.
ავღანეთის პრეზიდენტმა ჰამიდ კარზაიმ რამდენიმე მოთხოვნა დააყენა, როგორც აუცილებელი წინაპირობა იმისათვის, რომ ხელი მოაწეროს აშშ-თან უსაფრთხოების ახალ შეთანხმებას.
გასულ კვირაში საქართველოს პრეზიდენტმა გიორგი მარგველაშვილმა ხელი მოაწერა განკარგულებას, რომლითაც საქართველოს შეიარაღებულმა ძალებმა გენერალური შტაბის ახალი უფროსი შეიძინეს.
23 ნოემბერს უკრაინაში საბჭოთა პერიოდის ერთ-ერთი ყველაზე სასტიკი ტერორის - შიმშილობის, ანუ „გოლოდომორის“, მე-80 წლისთავს აღნიშნავენ.
საქართველო, როგორც დასვენების ადგილი და ტურისტული ქვეყანა, სულ უფრო მეტი პოპულარობით სარგებლობს ახალგაზრდა ერაყელთა შორის, რომლებსაც დიქტატორული რეჟიმისგან განთავისუფლებამ მოგზაურობის საშუალება მისცა.
ამბიციურსა და ძალაუფლების ზენიტში მყოფ ღარიბაშვილს, ალბათ, ბევრი წააქეზებს პოლიტიკურ მოწინააღმდეგეზე საბოლოო, გამანადგურებელი გამარჯვებისაკენ. მაგრამ კეთილისმყოფელმა, წესით, უნდა გააფრთხილოს პრემიერი, რომ ეს მხოლოდ პიროსის გამარჯვება იქნებოდა, რომელიც, საბოლოო ანგარიშით, მძიმე დარტყმას მიაყენებდა ქვეყნის საერთაშორისო იმიჯს.
აშშ-სა და მსოფლიოს მრავალ ქვეყანაში დაუსრულებელი კამათის საგანია ინტერნეტისა და სოციალური მედიის ზემოქმედება სამოქალაქო უფლებებზე.
მიმდინარე კვირაში უცხოურ საინტერნეტო გამოცემებში რამდენიმე პუბლიკაცია გამოქვეყნდა საქართველოს ენერგეტიკულ უსაფრთხოებასა და ევროკავშირის აღმოსავლეთ პარტნიორობის სამიტის წინ არსებულ ჯერ კიდევ პასუხგაუცემელ შეკითხვებზე.
პატიმრობაში მყოფი უკრაინის ყოფილი პრემიერ-მინისტრის იულია ტიმოშენკოს საკითხზე შექმნილ ევროკავშირის მონიტორინგის მისიას მანდატი ვილნიუსში დაგეგმილი აღმოსავლეთ პარტნიორების სამიტამდე გაუგრძელდა.
აშშ-მა ავიამზიდი და 20 მილიონი დოლარის სასწრაფო ჰუმანიტარული დახმარება გაგზავნა ფილიპინებში, სადაც შიშობენ, რომ 10 000-ზე მეტი ადამიანი შეიწირა ტაიფუნმა „ჰაიანმა“.
ნიუ-იორკის პოლიცია იძიებს სამი კაცის მკვლელობას, რომლის ჩამდენმაც მოგვიანებით იმავე ცეცხლსასროლი იარაღით თავი მოიკლა. შეიარაღებული პირი აღმოჩნდა ირანელი როკმუსიკოსი, რომელმაც, პოლიციის თანახმად, თავისი ანსამბლის ყოფილი წევრები დახოცა.
ჩამოტვირთე მეტი
