Kordz-ი უკვე მესამე მუსიკოსია, რომელსაც ამ სიმღერის გამო უსწორდებიან.
თავდაპირველად Kordz-ის საზოგადოებასთან ურთიერთობის მენეჯერმა, მარიამ მაღულარიამ ფეისბუკზე დაწერა:
„დღეს კორძსაც დახვდნენ, მიზანმიმართულად. 4-5 ადამიანი დედას აგინებდა და მოსდევდა, უბრალოდ მოახერხა გამოქცევა“.
მალევე მუსიკოსმა ინსტაგრამზე ორ ენაზე, ინგლისურად და ქართულად დაწერა ინციდენტის შესახებ:
„დღეს [8 ივლისს] ბებიას ვსტუმრობდი. ტაქსიდან როცა გადმოვედი, ოთხი, საკმაოდ მსუქანი „მობანდიტო“ ტიპი მომიახლოვდა და მეუბნება: „შენ დიჯეი კორძი არა ხარ, შე ბო*ო, ახლა კარგის ტრ**ს მოგი***ვთო“ და ქუჩაში გამომეკიდნენ“.
მუსიკოსის თანახმად, მან გაქცევა და შორიახლოს მაღაზიაში მიმალვა მოახერხა: „მაღაზიაში ძალიან კარგი ხალხი იყო და კარიც ჩაკეტეს“, - წერს ის.
Kordz-ი წერს, რომ პოლიციაში განცხადება შეიტანა, მათ კი უთხრეს, რომ კამერებს შეამოწმებენ. „მაგრამ ვინ იცის“, - წერს მუსიკოსი.
როგორც კორძაია წერს, უკვე ექვსი თვეა, იღებს მსგავსი შინაარსის მუქარებს.
ასევე ნახეთ „მეც დამხვდნენ სახლთან“ - მუსიკოს ვანო თარხნიშვილს თავს დაესხნენის ასევე ახსენებს მსახიობ და მუსიკოს ვანიკო თარხნიშვილს, რომელსაც ორი დღით ადრე, 6 ივლისს დაესხნენ თავს.
- „ოლე, ოლა“ არის სიმღერა, რომელიც შეიცავს „ქართული ოცნების“ გინებას და რომელსაც ხშირად მღერიან 2024 წლის 28 ნოემბრიდან უწყვეტად მიმდინარე ანტისამთავრობო დემონსტრაციებზე: „ოლე, ოლა, „ქოცების“ დედის **ნა“;
- მასზე მწვავედ რეაგირებენ „ქართული ოცნების“ წევრები;
- Kordz-ს იუტუბზე 2024 წლის 4 დეკემბერს აქვს გამოქვეყნებული „ქართული ოცნების საწინააღმდეგო ჰიმნი“, - რომელშიც სწორედ ეს სიმღერა აქვს გამოყენებული „სემპლად“;
- მან ეს სიმღერა 15 აპრილს შეასრულა ციურიხში, კლუბში Moods.
- ამავე სიმღერის გამო დაესხნენ თავს 2025 წლის 4 მარტს კიდევ ერთ მუსიკოსს, საპროტესტო აქციების მონაწილე დავით გაბუნიას, რომელიც ვანო თარხნიშვილთან ერთად უკრავს ბენდში - „გამოუვალი მდგომარეობა“;
- როგორც მოგვიანებით თავადაც დაადასტურა ფეისბუკში, გაბუნიას სახეში მუშტი დაარტყა „ქართული ოცნების“ წევრმა, მიშა მესხმა (მომღერალ სოფო ბედიას ქმარმა).