ავღანეთის ქალაქ ყუნდუზში გრძელდება ბრძოლები

ავღანეთის ჩრდილოეთში მდებარე ქალაქ ყუნდუზში მეორე დღეა ბრძოლები გრძელდება მას შემდეგ, რაც ქალაქი თალიბანმა დაიკავა. სამშაბათს ამერიკის საჰაერო ძალებმა ორი ავიადარტყმა განახორციელეს და თავიდან აიცილეს თალიბანის მებრძოლების მიერ აეროპორტის დაკავება. ავღანეთი აცხადებს, რომ ბრძოლებში მოკლეს თალიბანის ადგილობრივი ლიდერი, თუმცა თალიბანი ამ ინფორმაციას უარყოფს. პენტაგონი აცხადებს, რომ ყუნდუზის დაკავება პრობლემებს ქმნის, თუმცა დარწმუნებულია, რომ ავღანეთის უშიშროება შეძლებს ქალაქის დაბრუნებას.