ისრაელის პრემიერ-მინისტრმა ბენიამინ ნეთანიაჰუმ 4 აგვისტოს განაცხადა, რომ კვირის ბოლოს მოიწვევს კაბინეტის სხდომას, რათა გადაწყვიტოს, როგორ გააგრძელოს ღაზაში ომი.
AFP-ს მოჰყავს ნეთანიაჰუს სიტყვები: „ამ კვირაში, მოგვიანებით, კაბინეტის სხდომას მოვიწვევ, რათა [არმიას] ინსტრუქცია მივცე, თუ როგორ მიაღწიოს ჩვენ მიერ დასახულ ომის სამ მიზანს“, - განაცხადა მან მთავრობის სხდომის გახსნისას.
ისრაელის პრემიერმა კიდევ ერთხელ გაიმეორა, რომ ისრაელისთვის ომის სამ მიზნად რჩება „მტრის დამარცხება, ჩვენი მძევლების გათავისუფლება და დაპირება, რომ ღაზა აღარ წარმოადგენს საფრთხეს ისრაელისთვის“.
5 აგვისტოს გაეროს უშიშროების საბჭო ისრაელელ მძევლებზე იმსჯელებს.
ისრაელის სამხედრო და უშიშროების სამსახურების 19-მა ყოფილმა წარმომადგენლმა ღაზაში მიმდინარე ომის დაუყოვნებლივ შეწყვეტა მოითხოვა.
მძევლების ახლობლებმა ნეთანიაჰუს მიმართ კრიტიკა გამოთქვეს ომის პოლიტიკის გამო.